Page 21 - Бэстэрикиэптэр. Олох салҕанар

Бэстэрикиэптэр. Олох салҕанар

Төрөппүттэрим кыра эрдэхпинэ өлбүттэрэ. Миигин убайдарым,
эдьиийдэрим ииппиттэрэ. Улахан убайбыт Пестряков Федот Дмитриевич
Уус-Алдаҥҥа олорон армияҕа барбыта. Кыргыһыы хонуутугар охтубута.
Калининскай уобалас Молодуйскай оройуонун Зайцево дэриэбинэтигэр
1942 сыл ахсынньы 28 күнүгэр көмүс уҥуоҕа хараллыбыт.
Сэрии бириэмэтигэр, ол да инниттэн "Коминтерн" колхозка дьом-
мун кытта сир үлэтигэр оҕус сиэтиитигэр, бурдук, от хомууругар улэлэ-
һэр этим.
Дойдуга 1939 сылтан ыла кураан буолан аччыктааһын содулун эп-
пинэн, хааммынан билбитим. Партия Саха уобаластааҕы комитетын
бюротун 1942 сыл от ыйын 12 күнүнээҕи 213 №-дээх уурааҕынан Чу-
рапчы оройуонугар кураан дьыллар буолбуттарынан 41 колхоһу хоту
Эдьигээн, Кэбээйи, Булуҥ оройуоннарыгар балык бултааһыныгар, фро-
ну аһынан хааччыйар соруктаах, үлэ фронугар диэн ааттаан көһөрөн
киллэрбиттэрэ. Дьон эдэрэ, доруобайа армияҕа ыҥырыллыбыттара. Онон
ю
көһүүгэ оҕо, дьахтар, кырдьаҕас өттө кэлбитэ. Мин 13 саастаахпар убай-
е
дарбын, эдьиийдэрбин кытта кэлсибитим. Таһаҕас таһар борохуотунан,
т аһаҕас баржа аллараа трюмугар олорон айаннаан, күһүн балаҕан ыйын
бүтүүтэ Эдьигээҥҥэ ардахтаах, хаардаах бириэмэҕэ кэлбиппит. Эдьи-
гээҥҥэ уопсайа 13 колхоз хаалбыт. Биһигини, "Коминтерн", "Олоҕу
тутуу" колхозтары, Эдьигээн кииниттэн 2 көстөөх Уолба нэһилиэгин
"Кыайыы суола" колхоһугар хаалларан олохсуппуттара.
Урут муора курдук улахан күөллэргэ, өрүскэ хаһан да балыктааба-
тах саҥа көһөн кэлбит дьону кыһын хайдах балыктыырга үөрэппит киһи-
нэн олохтоох Иван Петров буолбута. Ол түмүгэр "Кыайыы суола" колхоз
оройуоҥҥа, республикаҕа биир бастыҥ үлэлээҕинэн биллибитэ, рес­
публика Бочуотун Дуоскатыгар таһаарыллыбыта. Хаһаайыстыба иккис
салаатынан түүлээх бултааһына этэ. Түүлээхситтэр эмиэ үөрэнэн, бы-
лааннарын толорор буолбуттара.
Элбэх киһини олохсутарга бэлэм суоҕун үрдүнэн, Эдьигээн дьонун
истиҥ-сылаас сыһыаннара, амарах санаалара көһөн кэлбит дьоҥҥо аан
бастакы күннэртэн күүс-көмө буолбута. Ол курдук, үөрэнээччилэри ин-
тернатка олордон, күҥҥэ 200 г килиэп, бурдук биэрэллэрэ. Колхозтаах-
тары нуорма аһынан хааччыйаллара.
2 Заказ N° 146 17