Page 17 - Бэстэрикиэптэр. Олох салҕанар

Бэстэрикиэптэр. Олох салҕанар

байан көстө турар гына тубус-туруору, көбүс-көнөтүк бэйэтэ-бэйэтигэр
анаан туруорунан баран, аллара туспут хатырыктарын хомуйталаан, тыа
саҕатыгар буордаах сыгынах төрдүгэр биллибэт гына таһааран кутта.
Тиитин, оҥорбут кириэһин анныгар нукус гына олоро түстэ. Бэрт уһуннук
сыыйа тардан табахтаата.
Тайыла оҕонньор Кэссиэ сайылык диэки төттөрү хайыһан олорон,
халдьаайы тыа быыһынан көстөр солообут солооһуннарын, ийэ-хара
көлөһүнэ барбыт "Коминтерн" колхоз хорутуу бааһыналарын, аны хаһан
да иккистээн уһун хоролоруттан күөх буруо субуйар кыаҕа эстибит сайы-
лыгын дьиэлэрин, Суоппуйа эмээхсин аны сууллар дьылҕата эрэ хаал-
быт балаҕанын уһуннуук-уһуннук одуулаһан көрүтэлээтэ. Туппут уһун су-
бурҕа бүтэйдэрэ, отун күрүөлэрэ, сиэмэ астаабыт сайылык үөһээ турар
улахан сарай бука барылара тыл ыһыктаннар:
-Тайыла, быраһаай! - диир курдуктар.
- Аны хаһан да эргиллибэппин, - дии санаан Тайыла харахтара
эмиэ ууланан кэллилэр.
Ол эрээри бэйэтэ бэйэтигэр Өйдөбүнньүк охсуммутун санаан, ханна
эрэ ыраах ырай халлааныгар тахсардыы, дууһата чэпчээтэ. Субу кириэс
кинини, Кэссиэ Тайылатын саната туруоҕа.
Хайдах гыныаҕай, Тайыла олус тиэтэйэр. "Хайа, ыраах суолга тугу
аһыахпыный?” - диэн санаа ыардык модьуйа сылдьара. Суох, сайылык-
ка да, Кубалаахха да, ыраах суолга илдьэ барар ыһык суоҕунан суох. Ол
эрээри Тайыла мындыр өйүгэр икки суол өрүһүлтэ санаалаах этэ. Ол
иһин туран, тиэтэйэ-саарайа суолга киирэн бара турда. Биэрэстэни
кыайар-кыайбат бадахтаах балаҕаныгар тиийдэ.
Аанын аһан киирэн, сыҥаһалары кэрийэ хааман балаҕанын иччитэ
Дьиэрдэ Бахсыынаны кытта, буор сыбах оһоҕун сүүһүттэн тайанан ту­
ран аал уотун иччитэ Хатан Суодуйа тойон эһэлиин былыргылыы бырастыы-
ласта. Дьэ, онон үйэ-саас тухары арахсыы сиэрэ-туома Тайыла судургу
олоҕун курдук ончу судургутук буолбута.
Киирэригэр аһан киирбит аана, "хаһан сабар" диэбиттии кэтэһэр
курдуга. Тайыла дьиэтин халҕаныгар тиэтэйбиттии тиийдэ. Куруттан ылан
саха быһаҕынан балаҕанын тирии халҕан тутаах бүрүөһүн быаларын, ти-
рии тирбэҕэлэри быһыта баттаталаата. Бу күһүн өлөрбүт кырдьаҕас ына-
13