Page 191 - Бэстэрикиэптэр. Олох салҕанар

Бэстэрикиэптэр. Олох салҕанар

бын тууйуохтара диэн сэрэхэдийбитэ да буолуо. Чэ, мин ону билбэппин,
ону, уопсайынан, ким да билбэт.
Дакылаат кэннинээҕи суугун-сааҕын кэмигэр, оҕонньор сцена кэ-
тэҕэр бэрт сылбырҕатык дьылыс гынна.
Гримнэнэр хоско киирэн, үгүс саҥата-иҥэтэ суох муннук булунан,
таҥаһын таҥынна, бэркэ кыһанан-мүһэнэн уоһун-тииһин оҥоһунна.
Уолаттар оҕонньордорун, ырыата биллэрэ бэрдиттэн уонна син биир
олус уһуннук-киэҥник ыллыа диэн эрдэттэн сэрэххэдийэн, концерда-
рын түмүгүн олус буортулаабат туһуттан, хор кэнниттэн иккис нүөмэри-
нэн таһаарарга кырдьаҕас билбэтинэн сүбэлэспиттэрин, концердарын
киэргэлэ оҥостон, Онтуойаны убаастаан, урут ыллатар курдук кырдьа-
ҕастарыгар тиэртилэр. Кырдьаҕас утарбата. Ээ, тоҕо да өрөлөһүөй, бач-
ча ыллатар дьоҥҥо. Киниэхэ хаһан да киирэрэ син биир. Кылаабынайа -
ыллаттыннар эрэ...
Уолаттар оҕонньор кылгастык ыллаатар ханнык диэн ханалытан этэн
концердара бу киэһэ наһаа уһунун, нүөмэрдэрэ олус элбэҕин туһунан
балачча өр мөккүспүтэ буоллулар...
Концердара үгүс эрэйэ суох, сүбэлэспиттэрин курдук саҕаланна.
Уолаттар хордара ыллаан лоҥкунатан бүтэрин кытта биллэрээччилэрэ:
- Күндү биһиги ийэлэрбит, аҕастарбыт уонна балыстарбыт, эһигини
ис сүрэҕиттэн эҕэрдэлээн, кун анныгар баар бары үтүөнү-кэрэни эһиэхэ
баҕаран, эһиэхэ анаан ыллыыр, самодеятельнай искусство ветерана,
биһиги бары бэркэ билэр, убаастыыр, билигин бочуоттаах сынньалаҥҥа
олорор, биһиги бөһүөлэкпит биир аксакала Антон Михайлович Дьөгүөрэп,
А. Кулаковскай, “Борокуот аал”,-диэн биллэрдэ.
Итини эрэ күүтэн турбут Онтуойа оҕонньор, бугуһуйбут соноҕоһу мүлчү
тардалларын курдук, сцена диэки дьулуруйан эрдэҕинэ:
- Онтуойа, чэ, кытаат, аҕам эрэ буолларгын кылгастык, - диэн сибис
гынан хаалла, оҕонньор сирэйэ-хараҕа турбутуттан, бүгүн кини сценат-
тан үтүөнэн түспэтин хойутаан да буоллар сүрэҕинэн-быарынан сэрэй-
бит, кулууп директора уол Ньукулаас.
...Онтуойа сцена хабыллар-хаба ортотугар тиийэн, тиэтэйбэккэ, бэрт
дуоспуруннаахтык, сүрдээх дьоһуннук дьонугар-сэргэтигэр үстэ
төхтүрүйэн тоҥхойон эҕэрдэлээтэ. Дьэ эбэтээ, онтон, көрсөр күннээх
155