Page 223 - Ульяна Винокурова. Е. П. Жирков Сайдыы суолун солоон...

Төрүт сиргэ уйгуну түстээн

Айгырыа диэн аҕыс уон
Адаардаах тиит баҕаналаах,
Сиҥнэстиэ диэн сэттэ уон
Силиргэхтээх тиит тирээбиллээх,
Толугуруо диэн тоҕус уон
Тоҥ тиит тулааһыннаах эбит.
Бухатыыр көстөр көрүҥэ, быһыыта-таһаата
тииккэ тэҥнээх:
Хастаабыт тиит курдук
Сылбараҥ маҥан харылаах,
Суллаабыт тиит курдук
Ньондо-хаан сотолоох,
Киһи киэнэ кэрэмэһэ,
Саха киэнэ саара.
Тиит мас саха итэҕэлигэр туспа миэстэлээх,
“ойуун киһиэхэ оҥоһуллан үөскээбит оруктаах
тиит” диэн ытык маһы дойдулаах дьон ааттыыр. Ытык
сэргэни, бухатыыр оноҕостоох саатын тиит маһынан
оҥостор. Ол мас үүнэр сирин “титиэн-имээн дойду”
диэн ааттыыллар. Киэҥ күөлү тахсыыга ала-бэлиэ
аарыма тиитинэн сирдэнэн, айан суолун булунар. Си-
рин-дойдутун иччитигэр хоолдьугун хоҥкутан, аһатан
ааһар.
Илиҥҥи дойдулар үөрэхтэринэн, хас киһи бэ-
йэтэ мастаах, ол маһа кинини араҥаччылыыр, күүс-
уох эбэр. Мутукча тылларын көрбүтүнэн төрөөбүт
киһи Егор Петрович Жиркову тиит маска тэҥниэххэ
сөп. Егор Петрович үөлээннээхтэрин ортотугар үрдүк
тиит тэҥэ чорбойон турар, инникигэ угуйар, омук
кыаҕар эрэлин эбэр эр бэрдэ буолар.
Аныгы саха саарына чиргэл тиит маска тэҥнээх
үтүө өрүттэрэ өс-санаа күрэҕэр көстөр. Е.П.Жирков
уларыта тутуу историческай кэрдиис кэмнэригэр олох
охсуһуутун күөнүгэр тиит мас курдук уйуктаахтык ту-
рууласта.

211