Page 224 - Ульяна Винокурова. Е. П. Жирков Сайдыы суолун солоон...

II түһүмэх. Өркөн өй күүһэ

Өркөн өйүн, утумнаах дьулуурун, үрдүккэ даба-
йар күүстээх санаатын Егор Петрович маннык этэр
тыллара көрдөрөр:
Баҕарабын
мин
саха санаата,
саха омук кута-сүрэ
түмүллэн-күүһүрэн,
эрилгэн буолан,
өрө ытыллан
тахсарыгар.
Бэйэтин арбаммат үлэһит-хараһыт киһини үр-
дүнэн да ааһар элбэх. Бу дьоҕус кинигэбит геройа,
төһө да уһулуччу суолталаах үлэни толорбут буоллар,
ханнык да чиэс-бочуот диэн сыста илик киһитэ эбит...
Дьылҕа-хаан тосхойбут соруктара өссө иннигэр
буоллахтара. Саха оскуолатын концепциятынан иитил-
лэн тахсыбыт ыччат, көҥүлгэ-сайдыыга уһуйар Саха
Республикатын Сүрүн тутулунан барбыт саҥа көлүөнэ
көмүстээх-алмаастаах төрүт сиригэр олох уйгутун
уһанан, халыҥ тыа курдук өрө анньан тахсыаҕа, хотугу
ытык тиит үрдүк мутугар уйа туттуоҕа диэн эрэллээх-
пит.
Ойуур тыа чиргэл тиит маһа — Саха сирин бастыҥ
баайа. Сиппит-хоппут, сайдыылаах саха дьоно —
биһиги барҕабыт баҕаната, тускулбут тулааһына. Тоҥ
тиит курдук туруулаһан, силиргэхтээх тиит курдук сил-
бэһэн, адаардаах арҕастаах Саха сирин күөх сирэм
ньуурун модун СШ1ИСКИТИНЭН силбээн, олоҕу уруйдуу
үрдүккэ тардыһыҥ диэн, аарыма тиит аттыгар,
айаҥҥыт аартыгар алгыспытын аныыбыт.

212