Page 225 - Ульяна Винокурова. Е. П. Жирков Сайдыы суолун солоон...

1 сыһыарыы

Саха Республикатын национальнай
оскуолаларын саҥардан сайыннарыы концепцията
Саха ССР Министрдэрин Сэбиэтэ
1991 сыл ыам ыйын 23 күнүгэр
272 № уурааҕынан бигэргэппитэ
Общество олоҕо демократизация, гуманизация суолунан
уларыйан иһэр, киинтэн салайыы сымнаан, үөрэх тиһигэ
биир халыыптан тахсан, элбэх көрүҥүнэн сайдан эрэр кэми-
гэр национальнай оскуола баар балаһыанньатын таба сыана-
лаан, сайдар суолун-ииһин тобулар дьоһуннаах сорук турар.
Норуот үөрэҕириитин олохсуйбут тиһигэр ханнык пред-
мети хайдах үөрэтэри үөһэттэн түһэр ыйыылар быһаччы
быһаара тураллар. Онно төрөөбүт тыл дьылҕатыгар кыһам-
ньы көстүбэт, норуот материальнай уонна духовнай культу-
ратын эдэр ыччакка тириэрдэр, үгэстэригэр үөрэтэр кыах
бэриллибэт, үүнэр көлүөнэ бэйэтин омук тэҥэ сананан ула-
атарыгар олук охсуллубат. Ол түмүгэр саха, чукча, эбээн,
эбэҥки, юкагир ортотугар ийэ тылын билбэт, төрөөбүт но-
руотун ааспыт суолун аахайбат, үгэстэрин өйдөөбөт, культу-
ратын сыаналаабат көлүөнэ үөскээтэ. Эдэр ыччат норуот
үгэс оҥостубут дьарыгыттан улам тэйэн иһэр, үйэлээх үтүө
өйдөбүллэрин, бастыҥ сиэрин-майгытын умнан эрэр. Онон
нация өйө-санаата айгырыыр суолга киирдэ.
Биһиги республикабытыгар олохтоох норуоттар төрөө-
бүт тылларын чөлүгэр түһэрэр, эйгэтин кэҥэтэр, нацио-
нальнай культураларын сайыннарар, омук буолар уратыла-
рын араҥаччылыыр баҕалара улаатан иһэр. Маннык кэмҥэ
кэнчээри ыччаты киһи гынар, иитэр-үөрэтэр кыһабыт — на-
циональнай оскуола — буомуруутган тахсан, сайдар суолла-
рын чопчулуур наада.
Саха Республикатын национальнай оскуолаларын
саҥардан сайыннарыы Концепцията элбэх нациялаах дойду
сайдыытын саҥа политическай платформатыгар дьүөрэ-
лэһэр, Саха Республикатын государственнай статуһун
туһунан Декларацияҕа уонна Сокуоҥҥа тирэҕирэр, онон Са-
ха сиригэр олохтоох бары норуоттар — сахалар, нууччалар,

213