Page 154 - Кун кууьар хайатыттан

Ити ыскамыайка уһугар саҥата-иҥэтэ суох, хам бааччы оло-
рор джигити көрөҕүн дуо? Ити — Элебес, Акия эрэ, биһиги
холкуоспут суоччута. Акия кыыһырдаҕына — эрин кулгааҕыт-
тан мускуйан биэрэр.
— Кини кэпсээнин итэҕэйимэ, оҥоро сатаан кэпсиир, —
диэн Акия кулэн кэбиспитэ.
— Бэйи эрэ, эн миигин мэһэйдээмэ, мин өссө Мыскал-
чаан туһунан кэпсиэхпин наада, — диэн Шамбет саба саҥар-
быта. — Кини ыраах сиртэн иһэр. Эдьиэй, биһиги кинини
аартык кытыытыттан буллубут. Фрунзеҕа массыына көһүтэ
турабыт. Көрбүппүт, суос-соҕотох кыыс турар. Онно мин:
«Көрүҥ эрэ, оҕолоор, — диэтим, — ити биһиги Мыскалчаам-
мыт турар. Кини, арааһа, эмиэ каникулун кыстыкка атаара
баран иһэр. Илдьэ барыаҕыҥ!» — диэтим. Кинини ыллыбыт.
Эдьиийиэм, үтүө дьыала дьэ оннук! — онтон Шамбет оон-
ньоон-күлэн этэрин уларытан, боччумнаахтык салгыы саҥа-
ран барбыта. — Биһиги, кырдьык, Фрунзеҕа сырыттыбыт,
тыйаатырга «Ай Чурек» диэн испэктээк көрдүбүт. Ол Ай Чу­
рек дьон көрөн олордохторуна кыталык буолан көтөн хаалар.
Сүрдээх дьикти баҕайы. Ол гынан баран биһиги ону көрөөрү
эрэ барбатахпыт. Иллэҥ кэммитин туһанан, быйаҥнаах Чууйа
хочотугар олохтоох холкуостарга сырыттыбыт, хайдах олорол-
лорун көрдүбүт.
— Хайа, тоойуом, онно төһө үчүгэйдик олороллоруй? —
диэн эмээхсин кэрэхсээн ыйыталаспыта.
— Оо, эдьиэй! Ырааппыттар. Кинилэргэ түүн күнүс кур-
дук, сып-сырдык. Хайаттан түһэр үрэҕи электрическэй энер­
гичны биэрэр гына оҥорбуттар. Ыстаансыйа туппуттар, ос-
туолбалары туруортаабыттар, боробулуоха тардыбытгар. Ба-
рыларын дьиэлэригэр кырасыына суох кыракый лаампалар
умайаллар. Эдэр ыччат үлэтиттэн үргүлдьү кулуупка ааһан —
онно көрүлүүр-нарылыыр. Сиргэ барытыгар кыракый лаам­
палар умайаллар. Оннооҕор — сылгы хаһаатыгар. Холкуос-
таахтар бурдук сынньар малатыылкаларын электрическэй
боробулуоханан эргитэллэр... Ону барытын илэ харахпытынан
көрдүбүт. Эдьиэй, ол аата дьэ командировкаҕа сылдьыы диэн
буолар.
Шамбет айаҕа аһыллан салгыы кэпсээн барбыта. Тыалтан
баттаҕа үрэллэҥнээбитэ, хараҕа уоттаммыта.
152