Page 152 - Кун кууьар хайатыттан

эйэргии көрсүбүттэрэ. Ол эрээри джигит суругун ӨЙДӨӨН КЭЛ-
лэҕинэ — сүрэҕэ ытырбахтыыра.
Суол былаһын тухары массыынаҕа олорон иһэр аргыстара
киксибит курдук: Турумбек туһунан — этэҥҥэ сылдьар дуу,
ыалдьа сытар дуу — биир да тылы төрүт быктарбатахтара.
Бэйэтэ ыйытыан симиттэ-кыбыста санаабыта. Сатаан бардах-
ха, Мыскал былырыын, кичимэлээх санааны кэпсэтэр биир
эмэ дьүөгэ кыыһы булан билсибэтэҕэ.
Массыына биир кэм түргэнник элээрэн иһэр. Бүгүн ыраас,
былыта суох күн. Ыраах хайалар көҕөрөллөр. Күөл уута күн
уотуттан үрүҥ көмүс буолан күлүмүрдүү оонньуур. Күн сар-
даҥата уонна күлүк алтыһар сирдэрэ эҥин-эгэлгэ дьэрэкээн
өҥүнэн дьэргэйэр. Тула — кытылга да, хайа тэллэҕэр да —
күп-күөх. Оттон ыраах көҕөрөр очуостар, туналыйар хаардар,
килбэчийэр муустар диэки көрдөххө, сырдык чаҕылыттан ки-
һи хараҕа ыалдьар.
Мыскал өрүү ити сүдү хайалары, килбэйэр уулаах күөлү
ахта саныыра. Оҕо эрдэҕинээҕи умна сыспыт кэрэ дьүһүлгэ-
нин сүрдээхтик биһирии көрбүтэ. Тыалтан дуу, үөрүүтүттэн
дуу кини хараҕын уута тахсар.
— Сэгэртэйиэм, Фрунзе куораттан иһэҕин дуу? — айаҕа
хам буолбакка иһэр эмээхсин ыйыппыта.
— Суох, кырдьадаас, Украинаттан иһэбин, — диэн Мыс-
кал судургу соҕустук хоруйдаабыта.
Эмээхсин муодарҕаабыт быһыынан:
— Ээ, сэгэртэйим сыыһа, ыраах да сиртэн иһэр эбиккин!
Ол онно үөрэммитиҥ дуу, тугуй? — саҥа аллайа түспүтэ.
— Үөрэммитим.
_ Уу-у-у! Кыргыз оҕолоро онно эмиэ үөрэнэллэр эбит
дуу? — диэн эмээхсин наһаа сөҕөн-махтайан кэбиспитэ.
— Оннук. Билигин ханна баҕарар үөрэнэллэр!
Эмээхсин эрэйдээх массыына түргэнник айаннаан элэҥ-
нээн иһэриттэн хараҕа ирим-дьирим буолбута, мэйиитэ эр-
гийбитэ, ону атгыгар олорор дьонум билбэтэллэр ханнык
диэн, кинилэр харахтарын баайан, тугу эрэ уоһун иһигэр
ботугуруу-ботугуруу, төбөтүгэр кыҥнары түспүт баайыытын
көннөрүммүтэ буолбута. Уостара босхо барбыт, сирэйэ куба-
рыйан хаалбыт этэ.
150