Page 151 - Кун кууьар хайатыттан

хайаларын, күөх торҕо мэччирэҥ сирдэрин, Ысык-Көл унаа-
рар урсунун субу-субу санаан кэлэрэ. Кини бэйэтин кыстыгар,
оҕо эрдэҕинээҕи доҕотторугар сүрэҕэ курдаттыы тартарара.
Былырыын Мыскал тулуйбатаҕа, сайыҥҥы сынньалаҥар
манна кэлэ сылдьыбыта. Саастыы кыргыттара даҕаны, Мыс-
кал даҕаны бэйэ-бэйэлэрин кыайан билбэтэхтэрэ, ол курдук
бары улааппыт, уларыйан хаалбыт этилэр. Кэлин син бил-
систэхтэрэ, өйдөстөхтөрө дии. Эдэр ыччат кыыһы бэйэтин
көрдөөх-нардаах эйгэтигэр киллэрбитэ.
Мыскал төрөөбүт кыстыгар эдэр джигити кытта билси-
битэ. Ону таптал диэн ааттыахха түктэри этэ, кинилэр иккиэ-
йэҕин күөл кытыытынан көннөрү күүлэйдиир эрэ этилэр.
Кыыс Украина, бэйэтин олоҕун, үөрэҕин туһунан кэпсии-
рэ. Кини бэйэтин туһунан хаһан да бу курдук уоһа өһүллэн
кэпсии илигэ. Джигит даҕаны тыл-өс өттүнэн хаалсыбатаҕа.
Кинилэр ол көрсүһүүлэрин иккиэн тоҕо эрэ атын дьонтон
кистиир баҕалаахтара.
Ол гынан баран кыракый кыстыкка тугу кистиэҥий! «Мыс­
кал бу кэлэн сылдьыыта сыбаайбанан түмүктэнэрэ буолуо»
дэһиспиттэрэ. Иллэҥ, сололоох, тылга тииһэ сатаабыт дьах-
таллар тугу оҥоро-була сатаан кэпсэппэттэрэ баарай!
Сайын хайдах ааспытын кыыс билбэккэ да хаалбыта.
Кырдьыгы эттэххэ, кыыс төннүөн сүрдээҕин баҕарбатаҕа, ол
гынан баран оскуолатын бүтэриэхтээх этэ.
Джигит киниэхэ Украинаҕа субу-субу сурук суруйара. Атын
миинэн олорон түспүт хаартыскатын бэлэх ыыппыта.
Быйыл Мыскал сынньалаҥын ханна атаарарын эрдэттэн
билэр этэ, ол кэми сүрдээхтик күүтэрэ.
Эмискэ сурук кэлбитэ. Онно Турумбек улаханнык ыарый-
дым диэн биллэрбит этэ. Онтон ыла Мыскал киниттэн биир
да суругу ылбатаҕа...
Кыыс таайа-сэрэйэ сатаабыта. Туох буоллаҕай? Джигит
умуннаҕа дуу, биитэр туох эрэ оһолго түбэстэҕэ дуу? Ааранан
куттанан иһигэр айманар буолан барбыта.
Онон эмиэ бу төрөөбүт дойдутугар айаннаан иһэр. Кини
туох санаалаах иһэрин таайар күчүмэҕэй. Кини былырыыҥ-
ҥы дьүөгэ кыргыттарын көрөөт үөрбүтэ. Оҕо эрдэҕиттэн
билэр Ала-Too хайа халлааҥҥа харбаһар чыпчааллара кинини
149