Page 166 - Кун кууьар хайатыттан

Суол өҕүллүүтүгэр уматык кутгар миэстэҕэ, хата, таһаҕас
массыынатыгар түбэстим. Суоппар бэнсиинин бааҕын хап-
пахтыы турара. Кэбиинэтин тааһыгар «SU» диэн суругуттан
көрдөххө, Сэбиэскэй Сойуустан омук сиригэр таһаҕас тиэйэр
сырыыга эмиэ сылдьар бырааптаах эбит. Ол аата, бу массыы-
на Кытайтан Балыкчыга, «Тастранс» тэрилтэ аптабаазатыгар,
айаннаан истэҕэ. Онно тиийдэххэ, Фрунзеҕа диэри сырыы-
айан элбэх буолааччы.
— Сибилигин хоҥноҕун дуо, Балыкчыга диэри олордуоҥ
буолаарай? — диэн суоппартан көрдөһөбүн.
Киһим, сөбүлээбэтэхтии, саннын үрдүнэн барбах элэгис
көрөн аһарда. Онтон аа-дьуо эргиллээт:
— Суох, аҕай1, сатаммат, — диэтэ.
— Доҕоччуок, Фрунзеҕа тиийэ охсорбор ыксаталлар, ба-
һаалыста, ылыаҥ дуо? — ыгылыйан эбии көрдөстүм.
Суоппар эмиэ сөпсөөбөтөхтүк, иэдэс биэрдэ.
— Өйдүүбүн, ол эрээри КИМИ да ылбаппын. Санааҕар ту-
тума, аҕай.
Кэбиинэҕэ миэстэ баарын үрдүнэн тоҕо киһини олордуба-
тын бэркиһии санаатым.
— Мин суруналыыспын, олус ыксыыбын! Төһөнү баҕарар
төлүөм...
— Дьыала харчытыгар буолбатах, убай! — суоппар ситэ
саҥардыбакка, кыйахаммыт быһыынан, массыынатын көлүө-
һэтин тэптэ. — Аныгыскыга босхо илдьиэм. Бу сырыыга...
кыаллыбат. Сотору биһиэннэрэ, атын массыыналар кэлиэх-
тэрэ, талбыккынан барсыаҥ буоллаҕа...
«Аара суолга кими эрэ ыларга үлэстэхтэрэ дуу?» — испэр
таайа сатыыбын.
— Оттон, баҕар, куусапка хайдаҕый?
— Син биир, сатаммат... Баалаама дуу, аҕай.
Чаһытын көрүнээт, суоппар кэбиинэтигэр тиэтэйдэ.
Ити курдук экчи быһа аккаастан, өмүттэн хаалан, санны-
бын ыгдах гыннараат, ол-бу диэки көрдүм. Каасса чуолҕа-
нынан барытын истэ олорбут сааһырбыт нуучча дьахтара:
«Кэбис, туһата суох, чирэстэһимэ...» — диэбиттии, саҥата
суох төбөтүн хоҥкулдьутан кэбистэ. Дьэ буоллаҕа...

1 Аҕай — убай.
164