Page 167 - Кун кууьар хайатыттан
P. 167
Суоппар олбоххо олороот, уматта илик бөппүрүөскэтин
уопта уонна мотуорун собуоттаата. Кини ессе да эдэр, отуч-
чалаах эрэ, нүксүччү туттубут уһун суда киһи. Ол эрээри туох
эрэ санааҕа баттатан илистибиттии халтаһата сабыччы түспүт
харахтарын, уруулга тайаммыт кырыылаах модьу харылаах
баабый илиилэрин өйдөөн көрбүтүм. Массыынатын хоҥунна-
рыан иннинэ тоҕо эрэ сирэйин имэринэн ылбыта, ыарахан-
нык өрө тыынан баран, хайаны дабайан айанныахтаах суолун
диэки дьиксиммиттии одууласпыта...
Массыына айаннаан бирилии турбута.
Саппараапкаһыт дьахтар буудкатыттан тахсан, миэхэ чу-
гаһаабыта.
— Туох буолуой, доҕоччуок, санааҕын түһэримэ. Сотору эн
даҕаны айанныаҥ... — кини, быһыыта, уоскутуон баҕарбыта.
Абаккара саныы туран, туту да хардарбатаҕым.
— Хаарыан эр бэрдэ эрэйдээх санааҕа түһэ сылдьар... Ол
остуоруйата уһун... Урут манна олорбута, таһаҕас уурар ыскы-
лаакка үлэлээбитэ...
Ситэ истибэтэҕим, «Победа» массыына тиийэн кэлбитэ.
Таһаҕас массыынатын балачча ор айаннаан сиппиппит —
Долоон арҕас хайатын аартыгар чугаһаан иһэн. Кини, бэл,
арааһы көрбүт-истибит, буспут-хаппыт Тянь-Шань таһаҕас
тиэйээччилэрин балысхан сырыыларын даҕаны аһары түһэр-
дии айанныыра. Тосту өҕүллүүлэргэ кытары ускуораһын бы-
рахпакка, утары кэлэр массыыналарга кэтиллиэх курдук, олус
түргэнник куугунатан барара. Таҥнары өҥөйөн нөрүһэн ту-
pap сымара таас очуостар анныларынан туруору дабаантга
тахсыыга массыына мунутуур кыаҕынан өрө бааҕынатан өрө
сүүрдэн тахсаат, аны таҥнары түһүүгэ, хайаттан суулунна дуу
диэххэ айылаах, эмискэ аллара тимис гынар. Онтон куусабын
бириһиэн сабыыларын эҥээрдэрэ тэлимнээбитинэн аныгыс-
кы тахсыыга эмиэ иннибитигэр көстөн кэлэрэ.
Ыарахан таһаҕастаах сүүнэ массыынаны «Победа» ситэн
ылбыта. Ааһа көтүтэрбитигэр, эргиллэн, суоппары кыҥастаһа
сатаабытым: «Туох буолбут, харсыттан тахсыбыт киһи итин-
ник иирбиттии айанныырый?» диэн көрөөрү. Ол бириэмэҕэ,
хайа арҕаһын кирбиитигэр өрүүтүн буоларыныы, муус толон-
ноох ардах курулаччы кутан барбыта. Дохсуннук ньирилиир
тобурахтаах ардах сүүрээнин нөҥүө тииһигэр бөппүрүөскэни
165
