Page 168 - Кун кууьар хайатыттан

хам ытырбыт суоппар тыҥаабыт кубаҕай сирэйэ, уруулу эр-
чимнээхтик эрийбэхтиир модьу харыта барбах элэкис көстөн
ааспыта. Кэбиинэҕэ, куусапка да атын киһи көстүбэт этэ.
Нарыҥҥа сырыым кэнниттэн балачча кэм ааспытын кэн-
нэ Ош уобалаһыгар барарга сорудахтаабыттара. Өрүү буола-
рыныы, биһиги суруналыыс аймахха бириэмэ мэлдьи был-
дьаһык. Пуойас адьас хоҥноору турдаҕына арыычча баттаһан,
вокзалга аҕылаан-мэҕилээн кэлэн, богуоммун булан купеҕа
көтөн түспүтүм. Иһирдьэ түннүгүнэн таһырдьаны одуулаһан
олорор киһи, пуойас хоҥнубутугар даҕаны хамсаабакка, аргыс
киирдэ ээ диэн мин диэки эргиллэн да көрбөккө, таас төрөөн
олорорун дьиктиргиир санаа өйбөр охсуллан ылбыта.
Хата араадьыйаҕа хомуска2 оонньуулларын истэн сэргээ-
тим. Бу кыргыыс омукка тарҕаммыт киһи барыта билэр ма-
тыыбын иһиттэхпинэ, мэлдьи киэһэрэн эрэр хонуу куйаарга
аттаах соҕотох айанньыт иһэрин өйбөр оҥорон көрөөччүбүн.
Айан суола ыраах, истиэп уйаара-кэйээрэ биллибэт киэҥ
дуола харах ыларынан нэлэһийэ тэлгэнэр — олох иирбэтин-
таарбатын ырытан-анааран толкуйдуурга, барбах киҥинэйэн
ыллыы иһэргэ табыгастаах. Уу чуумпуга суос-соҕотоҕун айан-
наан иһээччини атын туйаҕыттан ураты туох даҕаны арал-
дьыппат. Санааҥ түмүллүбүтүн, дууһаҥ иэйиитин таска та-
һааран, аа-дьуо ыллаан дьиэрэһитэ иһиэххэ сөп. Хомус кыла,
арык килэркэй сырдык таастарын устун чарылыы сүүрэр
уу тыаһыныы, аргыый аҕай тыҥкыныыр. Хомус иэйэр кы-
лын сыналыйар дорҕооно сотору күн томтор арҕастарын кэ-
тэҕинэн саҕахха саһыаҕын, түүҥҥү сөрүүн сииктээх салгын
халыйа устуоҕун, суол кытыытынааҕы үөрэ ото, сыттаах эр-
бэһин аргыый хоҥкулдьуһа хамсыахтарын туһунан туойар.
Хонуу куйаара бүтүннүү иһийэн атгаах киһи ырыатын иһил-
лииргэ, кинилиин бииргэ санааҕа түһэн, оргууй-оргууй тэҥҥэ
ыллаһарга дылы...
Баҕар, хаһыын эрэ ол аттаах киһи бу эҥээринэн айаннатан
ааспыта буолуоҕа... Субу билиҥҥи курдук, эмиэ ыраах саҕахха
киэһээҥҥи саһарҕа кыыһан киирдэҕэ, арҕаалаабыт күн хаар-
даах хайалар арҕастарын кытарда күлүмүрдэтэн сыыйа умул-
лан, борук-сорукка куустардаҕа.

2 Хомуе (кобуз) — кыргыз домбрата.
166