Page 169 - Кун кууьар хайатыттан

Түннүк нөҥүө эгэлгэ үүнээйилээх, минньигэс отонноох
мастаах олордуу чараҥнар, ситэрэ чугаһаабыт кукуруза ыһыл-
лыбыт хараҥа от күөҕэ хонуута элэҥнээн ааһаллар. Икки ат
көлүллэр тэлиэгэтигэр саҥа охсуллубут намчы сэбирдэхтээх
оту үллэччи тиэммит хороччу улааппыт уолчаан тимир суол
туорааһыныгар тиэтэйэ-саарайа айаннатан кэлбитэ көстөр.
Шлагбаум таһыгар тохтоон, күн уотугар хараарчы сиэппит,
кубарыйбыт маайкалаах, ыстаанын буутун тобугун үрдүнэн
таһааран тиэриммит олдьот уол өндөйөн кимиэхэ эрэ илии-
тинэн далбаатыыр, мичээрдээн үрүҥ тииһэ килэйэр.
Хомус дэгэрэҥ матыыба пуойас айанын тэтимигэр дьүө-
рэлиигэ дылы. Тимир ыллыктар холбонор сүһүөхтэригэр ох-
суллан халыргыыр көлүөһэлэр тыастара бөтөрөҥүнэн иһэр
ат туйаҕыныы иһиллэллэр. Орон икки ардынааҕы дьоҕус ос-
туолга тоҥолохтонон модьу харыларынан сирэйин хаххала-
нан, таһырдьаны көрөн олорооччу аргыһым, быһыыта, эмиэ
ол матыыпка сөп түбэһиннэрэн иһигэр киҥинэйэн ыллаһар.
Соҕотох аттаах ырыатыгар бүтүннүү бас бэринэн олорооч­
чу аргыс киһим туох эрэ ааспат-арахпат курус санааҕа эбэтэр
ыар аһыыга ыга ылларан баттык оҥосто сылдьара өтө көстөрө.
Инньэ гынан, аттыгар киһи баарын даҕаны өйдөөн-дьүүл-
лээн аахайбакка олороохтуур. Хайдах-хайдаҕый, ханна эрэ
бу киһини көрбүккэ дылыбын ээ? Бэл, суон тарбахтардаах
бигэ-таҕа баппаҕайын кытары билэр киһибэр майгынната са-
ныыбын...
Эмискэ өйдүү биэрдим: арба даҕаны, били миигин мас-
сыынатыгар ылбатах суоппарым эбит дии! Max бэрдэрэн,
кэпсэтиэх-билсиэх санаам сонно уостан хаалла. Эмиэ тоҕо да
билбэт киһибин кытары ааспыты, кыраны аахсан санатыһан
моһуоктастахпыный? Миигин өйдөөн көрбөтөх даҕаны буо-
луохтаах. Өрүү айаҥҥа сылдьар суоппарга түбэһиэх элэгис
көрсөн ааһар дьоно элбэҕэ чахчы. Онон, билсэ сатаабакка,
кинигэ ылан ааҕардыы оҥоһуннум.
Халлаан хараҥарыар диэри ол курдук бэйэ-бэйэбитигэр
бүгэн саҥата суох айаннаабыппыт. Балачча буолан баран,
аргыһым табахтыах санаата кэллэ быһыылаах. Бөппүрүөс-
кэтин сиэбиттэн таһаарда, испиискэтин уматтыан иннинэ
эмиэ ыарахан баҕайытык өрө тыынан ылла. Онтон төбөтүн
өндөтөрүгэр миигин өйдөөн көрөөт, мух-мах барда. Хомоппут
167