Page 173 - Кун кууьар хайатыттан

Маҥнай утаа арай биири сөбүлээбэтэҕим. Сааһын хол-
куоска үлэ ыктарыылаах сахтара буолар, ол эрээри кинилэр-
гэ тимир көлө тиийбэт этэ. Балаҕан ыйынааҕы пленум кэн-
ниттэн холкуостар саҥа сүһүөхтэригэр туран бөҕөргөөн эрэр
кэмнэрэ этэ. Онон тэрилтэ сорох массыыналарын холкуоска
көмөҕө ыыталлара. Ордук эдэр үлэһиттэри хото ыытааччылар.
Мин эмиэ барар буолбутум. Саҥа ыраах айаҥҥа турунаары
оҥосто сырыттахпына, холкуоска утаарбыттара. Төһө даҕа-
ны олус суолталаах, наадалаах үлэ буолбутун иһин, сааскы
ириэһин кэмигэр аилга барартан суоппар киһи быһыытынан
массыынабын харыһыйа саныырым. Нэксиэлээх, бадараан-
наах суолунан сыннарарбар, бэйэм сыгынньах атахпынан бы-
рыыны-бадарааны бэллэйдээн кэһэн иһэрдии сананар этим.
Маннык түһүөтэхтээҕи суол дуомунан урут хаһан да сылдьа
илигим...
Биирдэ эмиэ ханнык эрэ холкуоска саҥа тутуллар хотоҥҥо
сиипэр тиэйэн айаннаатым. Хайа тэллэҕин диэки баар аилга
истиэп устун бурҕатан чугаһаабытым. Суол арыый сараҕыйан,
улахан эрэйэ суох иһэммин сүүрдэ сытар арык таһыгар ба-
дарааҥҥа батыллан, массыынабын олордон кэбиспитим. Бэ-
йэтэ даҕаны сааһы быһа илдьи кэһиллэн, бэл тэбиэн даҕаны
батыллыах луоҕа бадараана. Эҥин-эҥинник кирдиэхтэтэн,
инним-кэнним диэки эрийтэрэн көр — туһа суох. Сатаатар,
абаккаран күүскэ туора-маары эрийтэлиирбэр уруулум кө-
лүөһэни хамсатар тутулуга төлө баран хаалбыта. Массыынам
өрөҕөтүгэр диэри эбии тимириэх курдук... Ыксаан массыына
анныгар оҥосто киирбитим. Көлөһүнүм сарт түстэ, таҥаһым
барыта илийэн, дэлби бадарааҥҥа биһиллэн сирэй-харах
бөҕө буоллум. Ол дьаабылана сыттахпына, ким эрэ чугаһаан
кэлэн иһэр атаҕын тыаһа иһилиннэ. Барбах көстөр аһаҕаска
эрэһиинэ саппыкы элэҥнээн көһүннэ. Массыына таһыгар
кэлэн турунан кэбистэ. Мин, аара суолга олорон хаалан са-
наам алдьаммыт киһи, хайдах эрэ кыйахана быһыытыйдым.
«Дата, хайа үөдэнтэн эмиэ ким манна мэҥийэн кэлэн, ба-
дарааҥҥа батыллан моһуогурбут суоппары көр оҥостордуу,
ааһан хаалбакка, манаан турдаҕай?!»
— Ээй, ааһан иһээччи, барар сиргэр салгыы бара туруох-
хун! Киһи тыынын-быарын хаайыма! — диэн үөгүлүүбүн.
Хараҕым кырыытынан көрдөхпүнэ, саппыкылаах дьахтар
171