Page 174 - Кун кууьар хайатыттан

эргэ баҕайы ырбаахылаах. Хайа эрэ эмээхсин муҥнаах, баҕар,
аилга диэри массыынанан быраҕан биэрээрэй диэн кэтэһээх-
тиирэ дуу?
— Эбэккээ, кэтэспэтиҥ ордук! Төһө op манна бодьууста-
һарым биллибэт, онон сир ылан сыҕарыйа туруоҥ этэ, — дии-
бин массыына анныттан.
— Мин эмээхсин буолбатахпын ээ, — соһуйуом иһин эдэр
чэгиэн куолас хардарда. Эмиэ да симиттэ, эмиэ даҕаны күлэ
быһыытыйар кыыс саҥата.
— Бай, оччоҕо кимҥиний? — саҥа аллайбыппын өйдөө-
бөккө хааллым.
— Эдэр киһибин.
— Эдэр кыыспын даа?! — саппыкы диэки көрөөт, тоҕо эрэ
тылга тииһиэх, тэбэнэтириэх санаам кэллэ: — Оттон төһө
кэрэҕиний?
Кыыс букатын даҕаны симитиннэ быһыылаах. Миэстэти-
гэр тэпсэҥэлээт, киэр дьаадьыйардыы туора хаамта. Онуоха
бэрт сылбырҕатык сытар сирбиттэн сыҕарыйан, массыынам
анныттан төбөбүн быктардым. Көрбүтүм тирэх хахыйаҕыныы
дьылыгырас көнө унуохтаах, имигэс таһаалаах үчүгэйкээн
бэйэлээх кыысчаан кыыһырбытгыы синньигэс хаастарын түр-
дэһиннэрэн турар. Кыһыл чараас былааттаах, санныгар, аҕа-
тын киэнин быһыылаах, улахан баҕайы бинсээги бүрүнэ бы-
раҕыммыт, саҥата суох сүүһүн аннынан көрбөхтүүр. Бада-
рааҥҥа өттүгэстээн сытарбын умнан, таалан хааллым. Чахчы,
кэрэчээн да барахсан!
— һок! Дьэ, кырдьык, кырасаабысса эбиккин дии! Оо,
түүппүлэ кэтэн турдаргын, өссө ордук буолуох эбит! — мас­
сыынам анныттан таҥаһым бадарааҥҥа биһиллэн, сирэй-ха-
рах буорайан орҕостон тахсан иһэн, бэйэм кыбыстыбыппын
биллэримээри, толоостук оонньообута буоллум.
Хаадьылаан эбии өһүргэттим быһыылаах, кыысчаан эр-
гиллэ биэрээт, суол кытыытынан хааман имиллэҥнии турда.
«Оо дьэ, хаарыан кыыс барахсаны хомоттум быһыылаах?!
Хайыах баҕайыбыный?» Ситэн ылан алы гынаары санаан
баран тохтоотум. Бэрт тиэтэлинэн хомуна охсоот, уруулбар
олорон массыынабын собуоттаатым. Инним-кэнним диэки
хачайдаан кирдиэхтэтэн бадараантан таһаара сатыыбын. Хай­
дах эмэ гынан, бу моһуоктаах миэстэттэн тахсан сулбу ойутан
172