Page 184 - Кун кууьар хайатыттан

эрээри тылым тахсыбат, дьулахачыйабын. Хардатын хайдах
баарынан истэрбиттэн саллабын. Асель мин туту саныырбын
сэрэйбиттик, ыйытардыы көрдө.
— Чахчы дуо?
Кыыс саҥата суох кэдис гыммытыгар, уруулбун теле тута
сыстым.
— Хаһан уруу буоларый? — кэһиэдирэн хаалбыт куолас-
пынан ыйыттым.
— Сотору... — иһиллэр-иһиллибэттик эттэ.
Чуут инним хоту мээнэ ыстаннара сыстым. Ускуораспар
киллэрбэккэ эрэ гаастаан ере барылаппыппар, Асель соһуйан
чугус гынна. Кыыһы куттаабыппын бэйэм өйдөөбөтүм дада-
ны, «сотору кэргэн тахсар!» диэн санааттан хараҕым хараҥар-
талаан ылла.
— Ол аата аны көрсүбэт буоллахпыт...
— Билбэтим... Көрсүбэппит ордук этэ.
— Мин син биир эйигин көрдүөм!
Эмиэ тыҥааһыннаах чуумпу сатыылаата. Бадар, иккиэн
биири саныырбыт буолуо даданы, икки ардыбытыгар көстүбэт
эркин мэһэйдиир курдук. Мин киниэхэ чугаһыырым сатам-
мат, кини кэбиинэдэ олорсоро эмиэ табыллыбат.
— Асель! — кэмниэ кэнэдэс саҥа таһаардым. — Миигит-
тэн тэйэ туттума, мин эһиэхэ букатын мэһэйдэһиэм cyoga.
Ыраахтан эрэ кере сылдьыам. Син дуо?
— Билбэтим ээ, бадар...
— Олорсууй, Асель!
— Суох, кэбис, бара турарыҥ ордук. Аил чугаһаата.
Кэлин эмиэ ити курдук көрсүтэлээбиппит, сырыы аайы
алдаска түбэсиһэр быһыынан. Кини эмиэ суол кытыытынан
хаамар, мин кэбиинэдэ олорон кэпсэтэбин. Табыгаһа суох
даданы, хайдах гыныаххыный!
Асель төрөппүттэрэ кыыстарын ханнык даданы туора дьоҥ-
ҥо кэргэн биэрэн ыытар туһунан түһээн да баттаппаттар.
Миигин хайыһан да көрүөхтэрэ cyoga. «Кимий? Ханнык эрэ
кэлии, төрдө-ууһа суох устугас суоппар урдус!» Мин бэйэм
даданы тыл көтөдүөхпүн саллыам этэ.
Асель бэйэтэ бу күннэргэ санаада-оноодо баттатан сыл-
дьаахтыыра. Саҥата-иҥэтэ суох тугу эрэ саныыра ете костере.
Мин аны кэлэн туохха эрэниэхпиний? Кини дьылдатын дьо-
182