Page 182 - Кун кууьар хайатыттан

— Суох, барбаппын.
Кадича, мэлдьи буоларыныы, тоҕо эрэ сымнаан хаалла:
— Чэ, буоллун. Мин салалтаны кытары кэпсэтиэм, — ос-
туолтан кумааҕыны ылла.
«Оччоҕо барбаппын дуо? Ол аата аны Асели хаһан даҕаны
көрбөт буоллаҕым...» Хомолто түөһүм иһин ыга баттаата. Кэ­
лин үйэм-сааһым тухары кэмсинэ сылдьыахпын дьэҥкэтик
өйдөөн кэллим. Буоллар буоллун — барабын!..
— Чэ, кэбис, аҕал, — путевканы төттөрү мүччү тардан ыл-
лым.
Барытын көрөн турбут Дьантай күлэн тэһэ барда:
— Кырдьаҕас эбэбэр эҕэрдэтэ тириэрдээр!
Туту да хардарбатым эрээри, ньүдьү балайы сирэйгэ уопта-
рыах баҕабын арыычча кыатанан, ааны хайа быраҕан, таһыр-
дьа ойон таҕыстым.

* * *
Нөҥүө күнүгэр айанныырбар, били батыллыбыт сирбиттэн
ыла уҥа-хаҥас көрө сатаабытым. Баҕар, кини көстөөрөй? Эдэр
тирэх хахыйаҕыныы дьылыгырас бэйэккэтэ сиртэн-буортан
тэйбиттии хааман сэгэйэн иһэрэ буолаарай... Кыһыл былаат-
таах тирэхчээним, хонуу куйаарга үүнэн тураахтыыр синньи-
гэскээн хахыйаҕым сыыһа! Эрэһиинэ саппыкы, аҕатын эргэ
улахан бинсээгин кэппит да буоллун. Ис кэрэтин ханнык да
халы-мааргы таҥас кыайан кистиэ суоҕа!..
Асель барахсан сүрэхпин сүүйбүт, дууһабын долгуппут да­
маны эбит!
Эргим-ургум көрө сатыыбын — мэлигир. Аилга киирэн,
кини дьиэтин таһыгар массыынабын бытаартым. Дьиэтигэр
баарын иһин, хайдах ыҥыран таһаарыамый? Көрсөр дьылҕам
суох эбит буоллаҕа...
Таһаҕас сүөкүүрбэр, баҕар, төннөрбөр көрсүөм диэн эрэл
санаа кыыма кыламныыра. Ол эрээри син биир кини көстү-
бэтэҕэ. Онтон өй ылан, пиэрмэ диэки ойуппутум. Аилтан
тэйиччи турар хотоҥҥо тиийэн, ыанньыксыт кыыстан Асели
сураспытым. Онтум бүгүн үлэтигэр тахсыбатах эбит. «Суолга
көрсүмээри, соруйан кэлбэтэҕэ буолуо...» — диэн санаабыт-
тан сүөм түһэн төннүбүтүм.
Иккис күммэр аны көрсөр эрэлэ суох айаннаабытым. «Ха-
180