Page 180 - Кун кууьар хайатыттан

— Истэбин, табаарыс диспетчер! — дьээбэлээччи чиэс
биэрдэ. Уолаттар күлсэ-күлсэ кинини үрдэлтэн соһон түһэр-
дилэр.
Кадича аллара түһэн, гараас диэки иһэрэ көһүннэ. Дьан-
тай массыынатын таһыгар тохтоото, кими эрэ көрдүүрдүү
туттар. Быыс сиэккэ мэһэйдээн, миигин тута өйдөөн көрбөтө.
Дьантай, аллараттан былтас гынаат, ньыла түһэрдии:
— Дорообо, кырасаабысса! — диэн эҕэрдэлэстэ.
— Ээ, эн эбиккин дуу... — Кадича аанньа ахтыбатахтыы
халты көрдө.
Дьантай дьахтар чочуонай атаҕын иҥсэрбиттии одуулаһар.
Кадича ону өйдөөн көрөөт сөбүлээбэтэ:
— Туту өрө мыҥаатыҥ?! — атаҕын тумсунан сыҥааҕын бар-
бах киэр аста.
Атын киһи ыкка холоммут тэҥэ сананан өһүргэниэ эбит.
Оттон бу киһийдээниҥ ымах гынаат, төттөрү дьааматыгар
сүттэ.
Кадича миэхэ чугаһаата.
— Хайа, сынньана сытаҕын, Ильяс?
— Бэриинэҕэ сытар курдукпун!
Кадича кэмчиэрийбиттии сиэккэҕэ сыһынна, хараҕын
араарбакка утары көрөн турбахтаата уонна аргыый сипсийдэ:
— Диспетчерскэйгэ киирэ сылдьаар эрэ.
Кадича төттөрү барда. Мин да, хайа муггун сытыамый, тур-
дум. Дьантай эмиэ быган көрдө.
— Дьахтар талыыта диэтэҕиҥ! — үөннээхтик имнэнэр.
— Сананаахтаама! — сөбүлээбэт киһибин кытары эйэргэһэ
сатаабакка, хаҕыстык быһа баттаатым.
Кини өһүргэнэн тиргиллэ түһүө дии санаабытым. Мин
этиһэри-охсуһары сөбүлээччим суох даҕаны, тоҕо эрэ били-
гин Дьантайдыын хапсан ыларга бэлэм этим. Санаам оон-
ньоон куруубайдыыртан, сутуругунан да түсүһэртэн туттунуо
суох турукка сылдьарым. Ону баара, Дьантай кымаардаан да
кербото.
— Чэ, буоллун, өссө көрөн иһиэхпит! — диэн муннун ан-
ныгар бурдьугунаан кэбиспитэ.
Диспетчер хоһо кураанах этэ. Бай, отгон сибилигин аҕай
ыҥыран баран бэйэтэ ханнаный? Тахсаары төттөрү эргиллээт,
Кадича томтоҕор түөһүгэр кэтиллэ сыстым. Кини ааҥҥа кех-
178