Page 185 - Кун кууьар хайатыттан

но быһааран кэбистэхтэрэ, көрсүһэн да диэн туһата суоҕа. Ол
эрээри куппут-сүрбүт тардыһыытынан, кыра оҕолор курдук
туох күүтэрин туһунан саныы, кэпсэтэ сатаабакка, син биир
көрсүһэрбит. Иккиэн бэйэ-бэйэбитин көрсүбэтэхпитинэ са-
таныа суохха дылыта.
Ити курдук иэрэҥ-саараҥ биэс күн ааспыта. Сарсыарда
айаҥҥа бэлэмнэнэн массыынабын көрүнэ сылдьыбытым.
Эмискэ диспетчер хоһугар ыҥырбыттара.
— Дьэ табылынныҥ! — Кадича күлэ-үөрэ иһитиннэрби-
тэ. — Эйигин Синьцзян диэки ыраах айан ҥа барарга көһөр-
дүлэр.
Мин соһуйан дөйөн туран хаалбытым. Бу күннэргэ наар
холкуоска таһаҕас тиэйиэх курдук санааҕа киирэн сылдьарым.
Кытайга хас эмэ хонуктаах сындалҕаннаах уһун айан буо-
лааччы. Асельга туту да биллэрбэккэ сүтэн хааларым хайдах
даҕаны табыгаһа суох. Туох дии саныаҕай?
— һы, үөрбэт эбиккин дуу? — Кадича үөрдээри гыммыта
сатамматаҕыттан сүөргүлээбиттии ыйытта.
— Оттон холкуоска үлэлэрэ бүтэ илик ээ, — өмүттүбүтүм
ситэ ааһа илик.
Кадича дьиктиргээбиттии саннын ыгдах гыннарбыта:
— Оттон урут эн бэйэҥ холкуоска барыаххын баҕарбат
этин дии?
Мин кыйаханан барбытым:
— Ол урут буоллаҕа дии! — туту гыныахпын билбэккэ,
олоппоско «лах» гына олоро түстүм.
Дьантай тилигирээн кэлбитэ. Мин оннубар холкуоска
кини барар буолбут эбит. Кини итинник холкуоска сырыы-
ларга аҕыйах харчы төлөнөрүнэн аккаастаныа диэн эрэҥкэ-
дийэ санаабытым хайа баарый? Киһиҥ, хата, суоллааҕы лии-
һин хаба тардан ылаат, дьэллэм баҕайытык хабыгыраабыта:
— Ханна ыытаргынан, баҕар, сир уһугар да буоллун, ба-
рабын, Кадича! Аилга билигин быйылгы төрүөх бараан оҕото
ситэн эрдэҕэ, биири эмэ илдьэ кэлэбин дуо? — миигин саҥа
өйдөөн көрдө. — Бырастыы гыныҥ, арааһа, мэһэйдээтим
дуу? — үгэһинэн үөннээхтик ымах гыммыта.
— Сүтэн хаал!.. — бэйэм да ыгылыйан олорор киһи, өрө
баргыйа түһүмээри, тииһим быыһынан кыбдьырыммытым.
183