Page 181 - Кун кууьар хайатыттан

сүнэн сыстан, төбөтүн хантаччы соҕус туттан турара. Уһун
кыламанын быыһынан имэҥирбит харахтара чаҕылыһаллар.
Дириҥник өрө тыыммахтыырыгар итии тыына илгийдэ. Хаа-
ным оонньоон, кууһан ылыахтыы даллайан иһэн саараан
хааллым. Хайдах эрэ Асели таҥнарар курдук сананан сойо
быһыытыйдым.
— Туохха ыҥырдыҥ? — холустук тыл ыһыгынным.
Кадича саҥата суох унаарыччы көрөр.
— Хайа?.. — тиэтэтэрдии хос ыйытабын.
— Тоҕо дьэ туора туттар буоллуҥ? — хоргуппуттуу хому-
руйда. — Арааһата, кими эрэ булуммуккун быһыылаах дуу?
Мин соһуйан хаалан мух-мах бардым. Тоҕо хомуруйар уон-
на хантан биллэ?.. Сити түгэҥҥэ эмискэ көрүдүөр эркинин
дьөлөн оҥоһуллубут дьоҕус түннүк тэлэллэ түстэ. Аһаҕаһынан
Дьантай үөннээхтик ырбайбыт сирэйэ дьэлтэйэн көһүннэ.
— Бу докумуону тутан кэбис, табаарыс диспетчер! — биһи-
гини табыгаһа суох балаһыанньаҕа киллэрбититтэн астым-
мыттык, күлүү-элэк оҥостордуу, ымаҥныы-ымаҥныы туох
эрэ кумааҕыны уунна.
Кадича, кыйахаммытын кистээбэккэ, кумааҕыны сулбу
тардан ылаат, миэхэ эргилиннэ:
— Путевкаҕын эн оннугар ким ылыахтааҕый?! Анал ыҥы-
рыы кэтэһэҕин дуо?!
Илиитин таһынан киэр үтүрүйээт, остуолга тиийэн кумаа-
ҕьгны ылан куду аста: «Мэ!»
Ылан көрбүтүм — эмиэ били холкуоска ыыталлар эбит.
Түөһүм иһигэр тымныынан атый гынна: Асель ыал буола-
рын билэ-билэ, эмиэ барабын дуо? Онтон тоҕо эрэ кыынньан
кэллим: уопсайынан даҕаны, тоҕо миигин эрэ сытайан туран
холкуостарга ыыталларый?!
— Эмиэ холкуоска кирпииччэ эбэтэр ноһуом тиэйэбин
дуо?! Айакка, сөп буолуо, барбаппын! — кумааҕыны төттөрү
остуолга бырахтым. — Сөбүн бадарааҥҥа булкулуннум, атыт-
тар даҕаны амсайан көрдүннэр!
— Эн миэхэ куоласкын сонотума! Нэдиэлэҕэ барарга нэ-
рээттээххин. Наада буоллаҕына, өссө уһатыахтара! — Кадича
эмиэ утары дьорҕойдо.
Мин арыый уоҕум хараан, холкутук син биир өрөлөһөн эт-
тим:
12* 179