Page 212 - Кун кууьар хайатыттан

Мин тураммын балааккам диэки бардым. Туох да буолбатаҕын курдук
«Спидолабын» холбообутум эрчимнээх аҕай джаз тыаһыы турар эбит.
Мин итгэннэри түһэн сыттым, аҥаар атахпын тобугум үрдүгэр ууран
баран атаҕым тумсун муусукаҕа сөп түбэһиннэрэн эйэҥэлэтэбин.
Азиз чочумча тура түһэн баран оҥочотун ууга холустук аста да,
бырастыыласпакка, уста турда. Мин умса эргийэн баран, сирэйбин
дьуот сыттаах сииктээх кумахха астым. Сотору соҕус буолаат, кытылга
Искандер тахсан кэллэ. Сирэйэ саппадырбыт.
Искандер. Күнүм халтайга ааста. Биир да балык хабан
абыраабата!
Оҥочотун кумахха соһон таһаарда.
Миэхэ чугаһаабытыгар киэр хайыстым.
Хайа, туох буоллуҥ? («Спидола» тыаһын кыччатта.) Togo
ытаатыҥ?
М и н. Ээ, бэйэм.
Искандер. Уу чуумпуттан чуҥкуйаҥҥын ытыыгын дуу?
М и н. Хата атын сиргэ көһөбүт дуо?
Искандер. Сөп. Сарсын көһүөхпүт. Эн эппитиҥ миэхэ
сокуон. (Араадьыйатын кытта бадьыыстаспытынан барар.)
М и н. Саша!
Искандер. Мм!
Мин. Мин эйигиттэн ыйытаары гынабын...
Искандер. Ыйыт — хоруйдуубут.
М и н. Эн тоҕо итинник гыммыккыный?
Искандер (төбөтүн өндөтөн мин диэки хайыһар). Туту
гыммыппыный?
Мин. Рулоннаах бостону тоҕо кистээбиккиний?
Искандер. Эмиэ дуо? (Араадьыйаҕа футбол маршын
хабан ылла, истээри бэлэмнэннэ да, биэрии бүтүүтэ буолан
биэрдэ.) Оо дьэ, куоттаран кэбиспиппит...
Мин. Togo ону миэхэ кырдьыгынан кэпсээбиккиний?
Билбэккэ сылдьыам этэ буоллаҕа...
Искандер. Оннук буолбат. Саатар, чиэһинэйим бэрдэ
бэрт буоллаҕа...
Араадьыйаттан күлсүү-салсыы иһилиннэ.
Ырыаһыт дьахтар биллэр опереттаттан «Какой обед нам подавали,
каким вином нас угощали...» диэн ырыаны ыллыыр эбит.
Мин. Саша... Эн миигин кэргэн ылыах этиҥдуо?
Искандер (араадьыйаны туора ууран баран, мин диэки
210