Page 238 - Кун кууьар хайатыттан

Сотору соҕус биһиги Тэмиртэн салҕан хал буолан хаалбып-
пыт. Аҕата сэриигэ төттөрү барар дуу, суох дуу диэх айылаах...
Ый буолан баран аҕата барбыта.
Оттон Тэмир, туох да буолбатаҕын курдук, эмиэ биһигини
кытта оонньуур буолбута. Ол эрээри аҕата баарын саҕанаа-
ҕы курдук була сатаан айдаарсар этэ. Дьэ ону биһиги тута
сөбүлээбэтэхпит.
— Бар, бар, киэр бар, аҕаккаҕар бар ээ!
— һэ, аҕаҥ баран хаалла дуу? Оттон ыллыыр балыккын
син биир биэрбэккин дуу?
— Дьэ аҕаҥ суоҕуна хайдах ыалдьыттыы барар эбиккин,
көрүөхпүт!
Ол эрээри Тэмир бэринэр санаата букатын суох:
— Дьэ барыам даҕаны! Оттон эһиги да аҕаларгыт дьоруой
буолбут буоллахтарына, кэллиннэр ээ!
Инньэ диэтэҕинэ, биһиги бары тылбытыттан матан, саҥа-
та суох хааларбыт. Ахтылҕаммыт өссө күүһүрэр, аҕаларбыт
этэҥҥэ эргиллэн кэлэллэрин тулуйан-тэһийэн кэтэһэрби-
тигэр эрэ тиийэбит. Тэмир аҕатын манна хайдахтаах курдук
маанылаабыттарын истэллэрэ буоллар, биһиги да аҕаларбыт
ханнык баҕарар хорсун быһыыны оноруохтар этэ!
Аны аил ыалын аайыттан харчы хомуйар буолбуттара. Ол
«сойуом» диэн ааттанара. Сойуом кумааҕытыгар ойууламмыт
саллааттары биһиги олус сөбүлээн көрөрбүт. Кинилэр сиэҕэ
суох киэҥ бүрүнэр таҥастаах уонна төгүрүк тимир бэргэһэ-
лээх, илиилэригэр бинтиэпкэлэрин күүскэ ыга тутан, биһиги
диэки сүрдээх кытаанахтык көрөн турар буолаллара. Оттон
тааҥка ойуутун көрө-көрө: «Биһигини манна олордоллоро
буоллар, төһө эрэ хатааһылыыр этибит!» — дэһэрбит.
Онтон фронтовиктарга анаан кэһии хомуйуута саҕаланна.
Дьахталлар ыал аайыттан бараан тириитэ саҕынньах, бэргэһэ,
тэбиэн түүтүнэн өрүллүбүт наскы, үтүлүк арааһын мусту-
лар. Итинник таҥаһы биһиэхэ биирдэ эмэ кэтээччилэр этэ.
Ону таһынан элбэх баҕайы бэрэмэдэйгэ аһылык хомуйдулар.
Талкаан1, джупка1 2 бөҕөтүн симтилэр, бурдюктары3 ууллубут
арыынан толордулар.

1 Талкаан (талкан) — мээккэ мэлийии куруппа.
2 Джупка — чараас лэппиэскэ бытархайа.
’ Бурдюк — утауы кутарга аналлаах тирии мөһөеччүк.
236