Page 241 - Кун кууьар хайатыттан

моһун, биирдии ытыс талкааны ордорон, оронум анныгар
мунньан истим. Адыйах хонон баран син балачча элбэх ас
буолан таҕыста.
Ыраас өрбөх булан, аспын онно суулаатым уонна аҕабар
сурук суруйдум.
«Аҕаа, эн аччыктыыргын билэбин. Ааспыкка мин эмиэ
аччыктааммын эйиэхэ бэлэмнээбит кэһиилэриттэн талкаан
ылан сиэбитим. Эн миигиттэн хомойдуҥ дуо, аҕаа? Бу эйиэхэ
били сиэбиппинээҕэр элбэх кэһиини ыытабын. Хоргутума
дуу? Уонна дьиэҕэр эргиллэн кэл».
Сурукпун астаах өрбөхпөр уган баран, почтальон оҕон-
ньорго тэбинним. Хата киһим атын миинэн бу утары кэлэн
иһэр эбит. Мин кинини тохтотон дорооболостум.
— Эһэкээ, маны мин аҕабар илдьэн кулу.
— Бу туохпутуй?
— Баһыылка.
— Тыый, баһыылканы маннык ыыталлар үһү дуо? Хайала-
рын оҕотоҕун?
— Аралбаай уолабын.
Оҕонньор күн уотугар саһарбыт сүүһүн мыччырыһыннар-
да, сабырыйан түспүт хаастарын түрдэһиннэрдэ.
— Аралбаай оҕотобун диигин дуу? Оо, эрэйим да буолар
эбит, — диэн ынчыктыыр кэриэтэ саҥа аллайда уонна, кым-
ньыытынан тордоҕор сонун тэллэҕин охсунаат, ааһа айанныы
турда.
Мин талкааҥҥа харбыттыы дөйөн, өрбөххө сууламмыт кэ-
һиибин туппутунан суол ортотугар туран хааллым. Арай оҕон-
ньорум туой буорунан таптайыллан оҥоһуллубут уһун бүтэй
уһугар тиийбэккэ да атын эргилиннэри тардан, миэхэ төттөрү
кэллэ.
— Тукаам, баһыылкаҕын аҕал эрэ, аҕаҕар илдьэн биэриим
даҕаны, — диир эйэҕэстик уонна тоҕо эрэ харахпын таба кор-
бот.
Баһыылкабын ылаат, атын тэһиинин күүскэ тардан дьи-
гис гыннарда да, бара турда. Мин батыһа көрбүтүнэн суолга
туран хааллым. Кини: «Оо, Айыым таҥарам, аһынар сүрэҕэ
суоҕун, тыйыһыҥ тоҕо сүрэй! Бэйэҥ кыаҕа суоххун миэхэ
сүктэрэриҥ тоҕо бэрдэй!» — диэн ытамньыйан ылар саҥата
өргө диэри иһиллэрэ.
239