Page 287 - Кун кууьар хайатыттан

уонна эйэ» диэн кинигэни ааҕар. Олус умсугуйан, тартаран ааҕан
ханна баарын, сарсын кинини туох күүтэрин туһунан да санаа-
бат. Бу түгэҥҥэ кини бэйэтин курдук эдэркээн, нарын-намчы
Наташа Ростованы кытары Екатерина ыраахтааҕы саҕанааҕы
вельможа Саҥа дьыллааҕы баалыгар сылдьар курдук сананар.
Оо, бу баалга кини туох дьиктини көрбөтөҕөй! Киирэр
ааҥҥа диэри кыһыл сукуна тэлгэммит, дьиэҕэ киирэр бастыҥ
мааны кирилиэс икки етто сибэккинэн киэркэйбит, сып-
сырдык саалалар, маҥан, күөх, тэтэркэй өҥнөөх былаачыйа-
лаах дьахталлар, эриэккэс мундирдаах, сулустардаах, лиэнтэ-
лэрдээх эр дьон...
Сарсын киэһэ сыбаайбата буолуохтаах кыыс, эмискэ, кини
саастыыта кэрэчээн Наташа үҥкүүлээбэтин бэлиэтии корде.
Кини, үҥкүүгэ ыҥырыллыбатах атын хотуттары кытары эмиэ,
истиэнэҕэ үтүрүллүбүт. Киһи аһыныах, хайдах буолуон бил-
бэтэх курдук турар. Наташа эрэйдээх! Бу кини олоҕор бастакы
баала эбээт! Кини төһөлөөх үөрдэ, бу дьикти кэрэ баалга
үҥкүүлүүрүн туһунан ыраланна этэй... Уонна ити...
«Кини сип-синньигэс илиилэрин санньытан, саҥа томто-
йон эрэр түөһэ оргууй көппөҥнүү, тыынарын кыатана сатыы,
улууканнаах үөрүүгэ уонна сүүнэ алдьархайга даҕаны бэлэм
курдук, куттаммыт чаҕылыҥнас харахтарынан керен турар.
Кинини ханнык да тойоттор, бары дьоһуннаах сирэйдэр төрүт
долгуппаттар... — арай биир эрэ санаа куттуур: «Ама ким
даҕаны миэхэ чугаһыа суоҕа дуо, ама мин бастакылары кыта­
ры үнтсүүлүөм суоҕа дуо, ама миигин бачча элбэх эр киһиттэн
ким да ейдеен кербет муна дуу, кинилэр миигин кербеттер да
быһыылаах, көрөр да буоллахтарына, аахайбатахтыы: «А! Бу
кини буолбатах, онон керен да диэн», — диэбит курдук тутгал-
лар. Суох, оннук буолуон сатаммат! — дии саныыр. — Кини­
лэр мин үҥкүүлүөхпүн наһаа баҕарарбын, мин олус үчүгэй-
дик үҥкүүлүүрбүн уонна миигинниин үҥкүүлүүр уһулуччу
үөрүүлээҕин билиэхтээхтэр».
Ити санаатыттан, балачча уһуннук оонньоммут польскай
үҥкүү дорҕоонноро, Наташа истэригэр, номнуо курустук иһил-
лэр буолан барбыттара».
Эрэйдээх...
Эргэ тахсыахтаах кыыс улахан, хара харахтара уунан туол-
буттара. Буукубалар силимнэһэн барбыттара.
285