Page 292 - Кун кууьар хайатыттан

Кыыс нарын илиилэринэн тэбиэн сымнаҕас күрүҥ түүтүн
имэрийбитэ, онтон киниэхэ саба түһэн ытаабыта.
— Суох! Төрүт баҕарбаппын! — диэн ытыырын быыһыгар
хаһыытыыра.
Кини, соһуччу туту эрэ санаан, конен кэлбитэ. Тосту эргил-
лэн, ый тунаархай уота сырдатар саад кэтэҕинээҕи хонуу диэки
барбыта. Бастаан бытааннык, саараабыттыы хааман иһэн, туох
баарынан сүүрбүтэ... Онтон эмискэ, ким эрэ күүстээх илиитэ
дьарамай санныттан харбаан ылан эргилиннэрэ тарпытыныы,
тохтуу түспүтэ. Хараҕа саад түгэҕэр тунаарар тэтэркэй сибэк-
кигэ — куукуна кыракый түннүгүн уотугар хатаммыта.
Бэйэтигэр эрэллээх көрүҥэ тута ханна да суох буола түс-
пүтэ. Оннуттан хамсыыр да кыаҕа суох, тобус-толору уунан
бычалыйбыт курус хараҕынан ол тэтэркэй сибэккини корон
турбута. Онтон атаҕын нэһиилэ сыһа тардан, төбөтүн умса
туттан бытааннык төттөрү барбыта.
Төһөнөн чугаһыыр да, түннүк тэтэркэй уота сибэккигэ
маарыннаабат буолан испитэ. Түннүк нөҥүө олох тиллибитэ.
Хос иһэ, маллар, дьон ырылхайдык костер буолбуттара.
Кыыс саҥата суох балачча өр өстүөкүлэ нөҥүө тунаарар
сырдыгы корен турбута, онтон, бөрөнү уун утары көрсө түс-
пүт куобах кэриэтэ, эргиллэ түһээт, сүүрбүтэ.
Сотору кини саад саамай бүтэр уһугар тиийбитэ. Хонууну
саадтан дириҥ хоруу араарара. Кини хоруу нөҥүө ыстаммыта,
ол эрээри охтон түспүтэ уонна илиитинэн хайыҥы харбаабыта.
Охторугар муннун тоҕо түспүтэ, сирэйин дьуккуруппута. Ону
аахайбакка, ере тарбачыһан тахсыбыта уонна салгыы сүүрбүтэ.
Улахан хойуу мастаах хараҥа саада кэннигэр хаалбыта. Ол
түгэҕэр ыраахтан тэтэркэй сибэккигэ холуу көрбүт соҕотох
түннүгэ эмиэ сүппүтэ.

Данил Макеев тьибааһа