Page 290 - Кун кууьар хайатыттан

— Кыысчааным оҕото, кыысчааным! — ыксаан туту да гы-
ныан билбэтэҕэ. — Туох буоллуҥ, сэгэриэм? Андаҕайабын,
мин эйигин хомотуохпун баҕарбатаҕым. Эйиэхэ куһаҕаны
баҕарар буоллахпына, миигин чаҕылҕан быһа курбуулаатын.
Эдэр дьахтар кыыһы кууһан ылбыта уонна синньигэс су-
һуоҕун имэрийбитэ.
— Ыалдьыттар хосторугар барыах, кыысчааным, — диэн
эйэҕэстик ынырбыта.
— Тоҕо?
— Сыбаайбаҥ таҥаһын кэтэрдэн көрөөрү гыналлар.
Кыыс төбөтүн чонос гыннарбыта уонна саҥаһын кыыһыр-
быттыы көрбүтэ.
— Көрсүөтүк тутун, — диэн, күрэ балта эмиэ тымтан ба-
раары гыммытын көрөн, саҥаһа оргууй сэрэппитэ. — Чэ, ба-
рыахха...
Кыыс хараҕар сириэдийбит уордаах кыымнар умуллубут-
тара, халтаһаларын сылайбыттыы саба түһэрбитэ, онтон ту-
руорбутугар улгумнук батыспытынан барбыта.
Ыалдьыттар хосторугар кыргыттар уонна эдэр дьахталлар
тобус-толору этилэр. Көрдөөхтүк ньамалаһа-ньамалаһа ки-
нилэр кыыһы төгүрүйэн кэбиспиттэрэ уонна оссо да ситэ-
риллэ илик таҥаһын кээмэйдээн, өрүсүһэ-өрүсүһэ ханна
туту көннөрөн биэриэххэ сөбүн дьүүллэспитинэн барбытта-
ра. Хаадьылаһаллара, күлсэллэрэ... Кыыс, ити барыта киниэ-
хэ сыһыана суоҕун курдук, аахайбатахтыы туттара. Кинини
итинтэн-мантан тардыалыыллара, эргитэллэрэ, онуоха эмэ-
гэт курдук барытын толорон иһэрэ уонна саҥата суох дьэбин
уоһуйан турара.
Кээмэйдээһин бүтээтин кытары икки кыыс сүүрэн кэл-
биттэрэ уонна күлсэ-күлсэ кини иннигэр ӨССӨ СИТЭ тигиллэ
илик таҥас быыһын тэнигшиттэрэ. Кыыс таҥас быыһын кэн-
нигэр соҕотох буолан хаалбыта уонна эмискэ олус куттаммы-
та. Мантан хаһан да тахсыа суох курдук санаабыта. Кумуч-
чу туттан баран, хараҕын эрэ хамсатан, тахсар сири көрдөөн
уҥа-хаҥас көрбөхтөөбүтэ. Онтон тэпсэҥэлээн ылбыта уон­
на быыһы тутан турар биир кыыһы түҥнэри көтөөт, ааҥҥа
ыстаммыта. Кэннигэр эркин дьигиһийиэр диэри күлсэн ньир-
гиспиттэрэ.
288