Page 291 - Кун кууьар хайатыттан

— Тазагуль! Тазагуль! — диэн ким эрэ хаһыытаабыта. Ол
эрээри Тазагуль номнуо туту да истибэт этэ.
Кини тэлгэһэҕэ ойон тахсыбыта, дьиэни эргийэ сүүрбүтэ
уонна кырдьаҕас урюк умнаһыгар сыста түспүтэ.
Тула өттүн уу чуумпу саба кууһан турара. Ый номнуо үөһэ
күөрэйбит этэ. Кини тоҥуй сырдыга сиргэ түспүт сэбирдэх-
тэр кырыаларыгар араас өҥүнэн оонньуура.
Тазагуль маска сыстан турбута, онтон соҕотох түннүгэ сан-
дааран турар ыалларыгар барбыта.
Манна эдэр ыаллар олороллоро. Соторутааҕыта оҕолом-
муттара. Тазагуль эдэр ийэлиин доҕордоһоро. Кини мала
дьахтары соҕотох буолуо диэн эрэнэ санаан, кутун-сүрүн ай-
маныытын кэпсиир, сүбэ-ама көрдүүр санаалааҕа.
Кыыс түннүккэ чугаһаан хос иһин өҥөйөн көрбүтэ. Ыалла-
ра дьиэлэригэр бааллара. Дьиэлээх хотун умайа турар холум-
тан таһыгар супура (тиэстэ мэһийэр тирии) тэлгэтэн баран,
тиэстэ мэһийэ олороро. Эр киһи кэтэҕириин диэки хараҕын
быһыччы корон олорон хомуска оонньуура. Кини таһыгар суор-
ҕан н а сууламмыт оҕо сытара. Оҕо наһаа улаханнык ытыыра.
— Аҕаа, — диэбитэ хаһаайка эригэр туһаайан, — Таҥара
эйиэхэ доруобуйаны биэрдин уонна оҕону уоскут эрэ.
— Кини уоскуйуо суоҕа, — диэбитэ аҕа олус холкутук.
— Хайдах уоскуйбат буолуоҕай? Илиигэр ыл, бигээ ээ...
— Син биир уоскуйбат. Оҕо ийэтин эрэ истэр. Бэйэҥ
көтөх.
— Оо дьэ, хайдаххын эрэ...
Эдэр ийэ туран, тиэстэ биһиллибит илиитинэн сэрэнэн
суорҕаны арыйан, оҕону ылбыта уонна төттөрү холумтан таһы-
гар кэлбитэ. Эмиэ тобуктаабыта, оҕотун хаҥас илиитигэр көһөр-
бүтэ уонна уҥа илиитинэн тиэстэтин мэһийбитинэн барбыта.
— О-о-ой! — Тазагуль өрө уһуутаабыта уонна ытыһынан
сирэйин саба туттубута. Онтон эргиллэ түһээт, саад үөһүгэр
ыстаммыта. Кини сиргэ түспүт сэбирдэхтэри, эриллибит-бу-
руллубут лабаалар күлүктэрин кэһэн, түргэнник хааман ис-
питэ уонна сотору саад бүтэр уһугар тахсыбыта. Эмискэ икки
лаглаҕар урюк атгыгар ый төгүрүк ньуурун көрөн турар тэбиэн
күрүҥ, бөгдьөгөр омоонун көрө түспүтэ. Кыыс бу сымнаҕас
кыылы сөбүлүүрэ. Оргууй киниэхэ чугаһаабыта. Тэбиэн кэ-
бинэрин тохтотон, моонньун унньутан кини диэки көрбүтэ.
289
19-18