Page 332 - Кун кууьар хайатыттан

читэ кэлбитим... Онон эн тайах маһыҥ туһалыан сөп, ту-
каам... — маныыһыт кэпсээнин түмүгэр мүчүк гыммыта.
Ол эрэн Шумкалпак оҕонньор кэпсээнин истибэт турукка
киирэн олорор этэ.
«Оройуоҥҥа бүтүннүү күрүөйэх туһунан биллэрбиттэр
эбит. Ол аата, куоракка эмиэ биллэрдэхтэрэ, эбии милиис-
сийэлэри ыҥыран, хайаҕа көрдүүр курдук. Оннук гыммакка-
лар: кыайан була иликтэр... аты күрэтэр... О-оо, мин төбөм
көппүт эбит!.. Оттон анаан үөрэтиллибит ирчит ыттары суол
устун ыыттахтарына тута булаллар! Тута! Хайа да кэбиһиилээх
отгон хостоон таһаарыахтара... Дьэ билигин тугу гынабын,
ким этиэҕэй, мин тугу гынарбын?..»
Шумкалпак уолуйуутун-айманыытын бастакы күүрээнэ
сыыйа намыраабыта, аны оҕонньортон хайдах гынан түр-
гэнник арахса охсор туһунан толкуйдаан барбыта. Онон, ма-
ныыһыты кытта кини тугу да уорбалаабатын эрэ диэн, ааты-
гар эрэ кэпсэтэ олорбута.
— Бейшеке аилга буудай27 умайбытын туһунан мин эмиэ
истибитим. Үс милииссийэ ол күрүөйэҕи көрдүүллэр.
— Дьэ киһилии суолун булбатах баҕайы эбит! — маныы-
һыт, абаккаран, баһын быһа илгистибитэ. — Togo ол буу-
дайы умата турбутай? Оттон күүстээх буоллаххына, онтугун
атыҥҥа туһаай эбээт. Кор, мин уолум, куоракка олорооч-
чум, атын баатырдары кытары күрэстэһэр. Кыайдар эрэ олус
көрдөөх, оонньуулаах буолар, отгон хоттордоҕуна кини ат-
тыгар ким да тулуйан-тэһийэн олорбот. Мин киниэхэ эппи-
тим: эр киһи күөн көрсөр, күрэхтэһэр буоллаҕына — ол аата
кини да, кини утарсааччыта да, хайалара баҕарар хотуоҕун
сөп. Арай биир аатырбыт Азыретаалы эрэ мэлдьи хотор этэ.
Кыайбытынан киһиргэнэнэн тахсааччы буолбакка, хотторуу
кэнниттэн хос күүһүн-уоҕун саҥалыы мунньунан хапсыһыы-
га киирэр баатыр дьиҥ чахчы күүстээх дэтэр. Күүстээхпин
дэнэр буоллаххына, отгон ол хотторбут бөҕөскүн хос тиийэн
кыай эбээт. Дьахтар санаатынан салайтарар, отгон эр киһи
өйүнэн... Мин уолум элбэх мэтээллээх. Тиийдэҕим ахсын
кини миэхэ онтунан өҥнөр... Киһиргэнии диэн эмиэ куһаҕан,

27 Буудай — сэлиэһинэй.
330