Page 138 - Курбуьахтар А5а дойду кемускэлигэр

Курбуһахтар Аҕа дойду көмүскэлигэр

МЕСТНИКОВ НИКОЛАЙ ВАСИЛЬЕВИЧ
(1908-1942)

1908 сыллаахха I Курбуһах нэһилиэгэр Истээх
алааска Василий Тимофеевич уонна Акулина Ива­
новна дьиэ кэргэннэригэр төрөөбүт.
6 кылаас үөрэхтээх. Бахсытааҕы тыа хаһаайыс-
тыбатын кадрдарын бэлэмниир сельхоз-оскуолаҕа
счетовод-буҕаалтыр курсун үөрэнэн бүтэрбит. Сэ-
рии буолуор диэри Булуҥҥа балыкка, Дьөгүөрэп
оскуолатын тутуутугар, «Кыһыл хардыы» холкуос-
ка үлэлээбит, ССКП чилиэнэ.
1941 сыл атырдьах ыйын 15 күнүгэр Чурапчы
оройуонун байыаннай комиссариатынан ыҥырыл-
лан сэриигэ барбыт. 1942 сыл от ыйыгар Москва куорат иһин кыргыһыыга
өлбүт. Ханна көмүллүбүтэ биллибэт.
Москва аннынааҕы сэриигэ сылдьыбыт сэрии ветерана Степан Ногови­
цын суруйарынан, Николай Васильевич 2-с кавалерийскай корпус састаа-
быгар сэриилэспит. Эмиэ Москва куорат иһин сэрии кыттыылааҕа, биир
дойдулааҕа Иван Романович Ховров суруйарынан, Москва таһынааҕы
Михнева тимир суол станциятын туһаайыытынан атаакаҕа киирэн иһэн
ыараханнык бааһыран госпитальга киирбит.
«Аҕам сэриигэ барарыгар 1 саас 8 ыйдаах этим. Онон сүрүннээн ийэм
кэпсээнинэн, аймахтарбыт уонна аҕам бииргэ сылдьан сэриилэспит дьонун
ахтыыларыттан эрэ билэбин. Киниттэн икки кыыс оҕо хаалбыппыт, бал-
тым Дуня сэрии сылларыгар өлбүтэ. Аҕам биир суругун ийэм көрдөрбүтэ.
Ол сурукка кини төрдүөммүтүн уруһуйдаабыт этэ, аҕам, ийэм, мин уонна
балтым «ураа!» дии турарбытын. Бу суругу хойукка диэри илдьэ сылдьы-
бытым. Онтон көһүү кэмигэр сытыйан туһатыттан тахсыбытын бырахпы-
тым. Аҕабын кытта сибээһим онон сүттэҕэ ол. Аҕам сураҕа суох сүппүтүн
туоһулаһан байыаннай архыыптан хас эмэ төгүл ыйыталаһа сылдьыбытым
да матырыйаал суох диэн биллэрбиттэрэ», диэн кыыһа Сосина Анна Нико­
лаевна бэйэтин ахтыытыгар суруйбут. Кэргэнэ Местникова Мария Михай­
ловна Нам оройуонугар Граф Биэрэгэр олорон ыалдьан өлбүт. Хорсун сал-
лаат олоҕун сиэннэрэ, хос сиэннэрэ салгыыллар.

Васильев, Ф. Столица көмүскэлигэр / Ф.Васильев // Ленинскэй тэрийээччи.—
1975.— Кулун тутар 22 к.

120