Page 20 - Курбуьахтар А5а дойду кемускэлигэр

Курбуһахтар Аҕа дойду көмүскэлигэр

АММОСОВ ВАСИЛИЙ НИКИТИЧ
(1909-1967)

1909 сыллаахха II Курбуһах нэһилиэгэр Энньэ-
кэйгэ төрөөбүт. Сэбиэскэй былаас олохтоммутун
кэннэ нэһилиэккэ партийнай тэрилтэ тэриллибити-
гэр партия чилиэнэ буолбут, Курбуһах нэһилиэгин
бастакы коммунистарыттан биирдэстэрэ. Суругу-
бичиги билэр активист эдэр дьон нэһилиэк Сэбиэ-
тин чилиэнэ буолан, сэбиэскэй былаас дьаһалларын
олоххо киллэрэн, үгүс өрүттээх үлэни ыыппыттар.
Сири дууһанан үллэрии, дьиэттэн хотону араарыы,
хас биирдии киһи туспа утуйар таҥастаах, аһыыр
иһиттээх буолан сыстыганнаах ыарыыны тэниппэт
туһугар, өйдөтөр үлэни ыыппыттар. Аны үөрэҕэ суох улахан дьону, оҕо-
лору олорор сиринэн түмэн ааҕарга-суруйарга үөрэппиттэр. Сэбиэскэй бы-
лаас биир сүрүн дьаһалынан нэһилиэнньэни аһынан-таҥаһынан хааччыйар
соруга күүскэ туран, нэһилиэк бастакы коммунистарыттан үрдүкү үлэҕэ
өрө таһааран, райпотребсоюз бэрэссэдээтэллэринэн анаан, киин сиргэ үлэ-
ҕэ барбыттар.
Чирэпчигэ сельпо бэрэссэдээтэлинэн, салгыы үп салаатын уполномо-
ченнайынан үлэлээн, нэһилиэктэринэн сылдьан нолуок хомуйуутун, заем
сурутуутун ыыппыт. Сэрии саҕаланыан иннинэ Василий Никитич Саккы-
рыыр оройуонугар, Ленскэйинэн үлэлии сылдьыбыт.
1942 сыллаахха Уполнаркомзаг агенынан үлэлии сылдьан Армияҕа
ыҥырыллан барбыт. Байыаннай үөрэҕи коннай Армия резервнэй састаабы-
гар 16-с стрелковай полкаҕа Челябинскай куоракка барбыт. Сэриигэ хайы-
һар батальонугар сылдьыбыт, бэргэн ытааччы буолан командование махта-
лын ылбыт. Сэрии бүтүөн эрэ иннинэ Челябинскай госпиталыгар өр сытан
эмтэнэн, доруобуйатынан сыыйыллан дойдутугар кэлбит.
Кэлэн Өлтөх нэһилиэгэр ферма сэбиэдиссэйинэн ананан үлэлээбит.
Манна үлэлии сылдьан 1947 сыллаахха Прудецкая Матрена Николаевнаны
кэргэн ылбыт.
Салгыы сбербааҥҥа, Чирэпчи сельпотун бэрэссэдээтэлинэн, үп налого-
вай агенынан, Курбуһахха холкуос, кэлин сопхуос араас үлэтигэр пенсияҕа
тахсыар диэри үлэлээбит. Кини олоҕун оҕолоро, элбэх сиэннэрэ, хос сиэн-
нэрэ салгыыллар.

18