Page 18 - Курбуьахтар А5а дойду кемускэлигэр

1<Сурбуһахтар дойду көмцскэлигэр

КЫАИЫЫ!
1932 сыллаахха Дьокуускайга педтехникумҥа үөрэнэн, учуутал идэтин
ылан, 1934-1935 сылларга Түүлээх оскуолатыгар, 1935-1941 сылларга
Танда оскуолатыгар учууталынан, сэбиэдиссэйинэн улэлээбит.
Түүлээх нэһилиэгэр олорон Тарская Матрена диэн кыыһы кэргэн ылан
Таня диэн кыыс оҕоломмуттар. Кыыстара Татьяна Васильевна тыа хаһаа-
йыстыбатын наукатын кандидата, Дьокуускай куоракка олорор.
Василий Васильевич 1942 сыл бэс ыйын 26 күнүгэр Чурапчы оройуонун
байыаннай комиссариатынан ыҥырыллан кыра быраатынаан Миитэрэй-
диин II Курбуһахтан сэриигэ барбыт. Кинилэр Челябинскай куорат таһыгар
байыаннай үөрэҕи барбыттар. Василий минометчик эбит.
1943 сыл тохсунньу ыйыгар Сталинград хайысхатынан ыыппыттар. Ки­
нилэр Аҕа дойду сэриитэ быһаарыылаах Сталинградскай кыргыһыытыгар
кыттыбыттар.
Муус устар 17 күнүгэр Сталинградскай уобалас госпиталыттан суруй-
бут тиһэх суругар икки ыарахан операцияны аастым, өрүттэрим биллибэт
чинчилээхпин диэбит. Дойдутуттан сурук тутара да оҕоломмутун туһунан
сурах кэлбэтэх, онон кини 1942 сыл күһүнүгэр уолламмытын билбэтэх.
Уола Вася кини улахан балтыгар Анастасияҕа иитиллибит уонна биэс саа-
һыгар ыалдьан өлбүт.
1943 сыл муус устар 28 күнүгэр рядовой Аммосов Василий Васильевич
кыргыһыыга ылбыт бааһыттан өллө диэн биллэрии кэлбит.
1960 сыллаахха М.Г. Аммосова Сталинград куоракка бара сылдьан кэр-
гэнэ Василий көмүллэ сытар сирин чуолкайдаабыт, Сталинградскай уоба-
ласка Красноармейск куоракка бырааттыы көмүүгэ баарын билбит. 1972 сыл­
лаахха кини кыыһа Татьяна аҕатын көмүс уҥуоҕар сүгүрүйэн кэлбит.

Уус Алдан буойун учууталлара / «Уус Алдан үөрэҕириитин салалтата» МКҮөТ,
«И.В. Пухов аатынан Окоемовка сүрүн оскуолата» МБҮөТ, —Окоемовка, 2025,-
С. 14.
* * *
Аммосова, Т. Үс ини-бии Аммосовтар / Татьяна Аммосова 11 Мүрү саһарҕата.—
2020,— Муус устар 30 к, —С. 6.

16