Page 80 - Агабыт туьунан иьирэх тылынан

Эйигин, о, кырдьык таптыыбын,
Ханна да буолларбын саныыбын.
Ытыктыыр, үтүөнү оҥорор
Буоларга мин дууһам дьулуһар.

Ытыктыам куруутун доҕоруом,
Үтүөнү, көмөнү оҥоруом
Сигили улахан сиэринэн,
Өй-санаа истиҥин күүһүнэн.

Оттон эн бастатан дьэ миэхэ -
Эйиигин таптаабыт киһиэхэ
Кырдьыксыт, чиэһинэй буолунууй,
Сайаҕас, аһыныык буолунууй.
Мин баҕар алҕаһы оҥоруом,
Хом түһэр санааны хонноруом.
Ол онтон хомойон тэйимэ,
Кэлэйэн ытаама, үөҕүмэ.
Хата эн сэмэйдик өйдөтөр,
Алҕаспын-сыыһабын ыйар буол.
Өй-майгы аныгы сиэригэр
Үчүгэй тыыныгар иитэр буол.

Букатын дьиэгэ суох киһи диэн
Үрүҥ күн анныгар үөскээбэт,
Күн сирин үрдүгэр
Барыга ып-ыраас киһи диэн.

Оттон эн доҕоруом, чиэһинэй,
Кырдьыксыт, сайаҕас, сэмэй буол,
Барыны барытын болҕойор,
Толкуйдаан, сыаналаан көрөр буол.
Барыны бары сүүс бырыһыан
Билээччи, сатааччы үөскээбэт,
Сыыһаны оҥорбот киһи диэн
Ханнык да ийэттэн төрөөбөт.

78