Page 81 - Агабыт туьунан иьирэх тылынан

Ыйы быһа наар сыттым
Ыллаабакка, саҥарбакка,
Ырыа тылын талбакка,
Ыллам иэйиим киирбэккэ.
Кырдьаҕас бокоо дьоннорбун
Кыһалҕаларын анаарыым,
Күлүк бадыа күлүгүрбүт дууһаларын
Барык күлүүстэрин аһыталыым,
Күллэрэн күннэрин таһаарыым.
Күлүк түспүт дууһаларын
Күнүм диэки хайыһыннарыым,
Икки өттүттэн эрэйбитин
Иэйэн кэпсэтэн чэпчэтиэҕим.
Сайаҕастык ирэ-хоро кэпсэтиэҕиҥ
Саймаарыччы саҥараммыт,
Сай дуолга устуоҕуҥ,
Ыарыыбытын аахсаммыт
Ыар муҥу кыйдыаҕын.
Биһиги эмиэ ымыылар этибит,
Ырааҕы ырыҥалыырбыт,
Көҥүл көтөрдөр этибит,
Күөрэгэйдии туойуоҕуҥ,
Көмүс тылла тардыаҕыҥ.

Бүгүн дьэ мүччүрүйдүм:
Бүппэт өйбүн киллэрдим,
Сардаҥалаах санаабын аҕаллым,
Саҥарарга дьэ сананным.
Икки өттүттэн эрэйбитин
Ирэ-хоро кэпсэтиим,
Сайаҕастык саҥараммыт
Сай дуолга хаамсыһыым.
Сүөгэй үүттээх чэйгитин
Сөбүлэһэн кутаарын
Тулаайахсыйан, санаа сиэн
Тумнастыма дуу, бука диэн.

79