Page 22 - Уруйдуогун улуу кыайыыны

ҮЙЭТИТЭР ытык иэстээхпит

Танасов Махтал суруга
Петр Алексеевич
Мүрү2-с №-дээх орто осруолатын
3-с кылааһын үөрэнээччитэ Эрхан Алексеев.
Салайааччы Вера Дмитриевна Петрова

Быйыл Аҕа дойду Улуу сэриитигэр Кыайыы
80 сыла бэлиэтэнэр. Бу бэлиэ түгэҥҥэ кыайыыны
уһансыбыт үтүө дьоммут аатын ахтар ытык иэспит.
Мин хос эһэм Петр Алексеевич Танасов 1918 сыллаахха Байаҕантай
нэһилиэгэр Харчылаах өтөх Булгунньахтааҕар төрөөбүт. Аҕата Өлөксөй
тимир ууһа уонна күүлэйгэ бастыҥ охсооччу эбит. Ийэтэ Хобороос диэн.
Эһэм Бүөтүр оччотооҕу кэм сиэринэн үөрэҕэ суох буолан, сэрии ин-
нинэ холкуоһугар от оттуур, кыһын сүөһүгэ от тиэйэр эбит. Кинилэр
1930 сыллаахха «Пятилетка» холкуоска киирбиттэр.
1942 сыллаахха сааскы ыһыы кэмигэр армияҕа бэбиэскэлэнэн бар-
быт. Бурят-Монгол сиригэр тиийэн саперунан үлэлээбит. Иккитэ кыр-
гыһыы толоонугар киирэ сылдьыбыт. Кини миинэни эһэ сылдьан, алҕас
миинэ эһэн атаҕар бааһырыыны ылбыт. Онтон 1946 сыллаахха дойдуту-
гар эргиллэн кэлбит.
Сэрии кэнниттэн сайын от оттооһунугар, кэнники фермаҕа
бостууктаабыт. Өссө үүт таһар массыынаҕа үүт таһааччынан үлэлээбит.
Икки кэнники кыһын убаһа аһатыытыгар эмиэ үлэлээбит.
1953 сыллаахха Туойдаахха Чараҥтан төрүттээх Марфа Егоровна Ан-
дросовалыын ыал буолбуттар. Үс уол оҕоломмуттар. Уолаттара улаатан
үлэһит буолан сопхуоска үлэлээбиттэр. Кинилэри ааттатар сэттэ сиэннэ-
риттэн 18 хос сиэннэрдээхтэр.
Мин хос эһэбинэн киэн туттабын. Бу кыайыыны уһансыбыт, биһиэхэ
эйэлээх олоҕу бэлэхтээбит ытык киһибит - хос эһэбит Бүөтүр Алексеевич
Танасов.