Page 65 - Уруйдуогун улуу кыайыыны

тынан от оҕустара сылдьыбыт. Кыыллаах оҕонньоругар борохуоттан:
«От төһө баарын оҕустаран ис, биир да сүөһүгүн энчирэтимэ, Кыайыы
биһиэнэ буолуо», - диэн хаһыытаабыттар. Лэгэнтэй соһуйан хаалан тура
түһэн баран өйдөнөн: «Оҕолорум! Өстөөхтөн охтумаҥ, кыайыы аргыстаах
дойдугутугар эргиллэн кэлээриҥ!» - диэн хардаран хаһыытаабыт.
Ол икки ардыгар борохуот биэрэктэн тэйэн ыраата охсубут. Икки киһи
өрүскэ тугу эрэ бырахпыттар. Онтулара тимирбэккэ, биэрэк диэки устан
кэлбиттэр. Биирдэрэ талахха иҥнэн хаалбыт. Иннокентий талах быыһы-
гар туох эрэ иҥнэн сытарын көрбүт. Үөттэр быыстарынан ууну тэпсэн
киирэн харбаан ылбыта - тууйас буолбут. Дьиэтигэр тахсан көрбүтэ -
киилэ курдук арыы батар иһитэ эбит. Тууйаһы хатыҥ туоһун бүтэйдии
устан ылан олус мындырдык, ураты сатабыллаахтык оҥорбуттар. Туос
тууйаска биир да иннэ суола суоҕа, икки хос эркиннээх, мае түгэхтээх, мае
хаппахтаах. Ойоҕоһугар ойуу курдук сиэдэрэйдик «ГГМ-Хаадыат» диэн су-
рук бэлиэлээх.
Сэрии кэмин былаһын тухары Иннокентий оҕонньор араас ыара-
хан үлэни тыылга, холкуоһугар Кыайыы туһугар күүскэ үлэлээбитэ.
Тууйаһын «саллаат тууйаһа, мин оннубар өстөөҕү кытта киирсэ сылдьар
байыас киэнэ» диэн кэриэстээн, өрүү бэйэтин кытта илдьэ сылдьара.
«Саллаат өстөөхтөн охтубатын, этэҥҥэ сырыттын» диэн иһигэр алгыһын
Үрдүк Айыылартан көрдөһөрө...
Сэрии бүтэн, Кыайыы буолан үөрүү дьол тохсойбута. Күнтэн күн-
нэр, сылтан сыллар ааһан испиттэрэ. Олох тупсан, сайдан испита. Лэ­
гэнтэй тууйаһы булар күнүгэр отууга илдьэ сылдьыбыт кыыһа Люба
улаатан оскуоланы бүтэрэн, үрдүк үөрэхтэнэн кэргэн тахсан дойдутугар
күтүөтүнээн кэлэ сырыттаҕына отууга тахсыбыттара. Лэгэнтэй ол күн
эмиэ тууйаһын илдьэ сылдьара. Аһыы олорон күтүөт тууйас суругун
бэркэ өр корен олорбут уонна: «Бу тууйас хаһаайына мин билэр киһим
быһылаах», - диэн саҥа аллайбытыгар, Лэгэнтэй оҕонньор олус долгуй-
бут. «ГГМ-Хаадыат» диэн - мин дойдум Ампаардаах алаас киһитэ. Горохов
Гаврил Миронович-Хаадыат Хабырыыс. Кини - фронтовик, үс бойобуой
мэтээл, Кыһыл Сулус орден кавалера. «Энгельс» холкуос кадровай булчу-
та», - диэн күтүөт элбэҕи кэпсээбит.
Лэгэнтэй тууйаһын харыстаан, айыылартан сэрииттэн тыыннаах
эргиллэн кэлэрин көрдөспүт буойуна этэҥҥэ кыайыы өрөгөйдөөх
дойдутугар кэлбитин, эйэлээх олоҕун салҕаан дьоллоохтук олорорун
истэн наһаа үөрбүт. Күтүөтүнэн Гаврил Мироновичка сурук суруйан,
тууйаһын ыыппыт.
Баҕа санаатын толорбут тууйаһа дойдутугар эргиллэн кэлбити-
гэр Хабырыыс да, аймахтарбыт да наһаа үөрбүттэр, долгуйбуттар. Бу
түгэни ахтан-санаан ылалларын миэхэ эһэм Мирон Николаевич Горохов
кэпсээбитэ.
Гаврил Миронович 1945 сыл атырдьах ыйыгар уйгу ардаҕа түһэ