Page 69 - Уруйдуогун улуу кыайыыны

тулаайах курдук кыра эрдэҕиттэн үлэҕэ эриллибит. 1935 с. оҕус сиэтэн, окко
сылдьан холкуос ис-тас үлэтигэр үлэлэһэн барбыт. 1935 с Дүпсүн начаалынай
оскуолатыгар үөрэнэ киирэр, ону 1940 сыллаахха бүтэрэр.
1941 с. Аҕа дойду сэриитэ саҕаланар. Ол сыл атырдьах ыйыгар убайдара
Николай учуутал техникумугар үөрэнэ сылдьан сэриигэ ынырыллан баран
өлөр. 1941-1942 с. 1-кы Өспөх хаһан даҕаны түбэспэтэх ыарахаттарын бил-
бит, сут-кураан саҕаламмыт, аһыҥа турбут. Аҥаардас аччыктааһынтан 60-ча
киһи хоргуйан өлбүт. Инньэ гынан, 1941 с. Николай Иванович Копырин дьиэ
кэргэнэ ынах-сүөһү көрө Кэбээйи 2-с Сииттэтигэр көһөн барбыттар. Онно
кыстаан баран, 1942 с. кэлэн сайын бостууктуу Чымыраайы үрэххэ тахсыбыт,
онтон 1942 с. балаҕан ыйыгар эмиэ ынах сүөһүнэн Кэбээйи 1-кы Сииттэтигэр
көскө барбыттар. Онтон түүлээхтиир, булчут буолар.
1944 с. холкуоска ыам ыйыгар ыһыы ыһа сырыттаҕына, сэриигэ ынырыл­
лан илин фроҥҥа барар. 1944 с. балаҕан ыйын 11 күнүгэр 368-с Забайкаль-
скай стрелковай полкатыгар военнай бирисээгэ биэрэр. Онтон 1945 с. кулун
тутарга диэри 91-с Забайкальскай стрелковай полкаҕа сулууспалыыр. 1945 с.
3 6-с Забайкальскай армия 210-с дивизия 649-с стрелковай полкатыгар киирэн
атырдьах ыйын 30 күнүттэн Хинган хайатын туораан, Гоби кумах куйаарын
унуордаан, Аргун өрүһү унуордаан Хайлар куораты сэриилээн босхолуул-
лар. Ити курдук сэриилэһэ сырыттахтарына балаҕан ыйын 3 күнүгэр Япония
кыайтаран сэриилэһэн бүтэр. 1946 с. олунньу 3 күнүгэр 145-с техническай
авиационнай полкаҕа сулууспатын салгыыр, онтон 1947 сылтан муус устарга
62589 военнай чааска 1950 с. диэри сулууспалаан баран, дойдугугар эргиллэн
кэлэр.
Ол кэлэн эмиэ үлэ үөһүгэр түһэр, сайынын охсуулаах отчут, кыһынын от-
мас таһыытыгар төһүү үлэһит буолар. 1951 с. «Ленин» холкуоска Өнөр нэһи-
лиэгэр холбоһоллор. Кини эдэр эрдэҕиттэн мындыр, барыны барытын билэ-
көрө оҥоро сатыыр үгэстээҕэ, тимир коло массыына суоппарынан буолбут.
Нэһилиэккэ бастакы суоппар буолар. 1973 с. диэри сүүрбэттэн тахса сыл устата
техникаттан илиитин араарбатаҕа, араас таһаҕас, уматык таһыыта кинитэ
суох буолбат этэ. Бастаан «Ленин» холкуоска, онтон Партизан Заболоцкай
холкуоска суоппардаабыт. 1973 с. балаҕан ыйыгар ыараханнык ыалдьан
балыыһаҕа эмкэ киирэр, 1974 с. от ыйыгар инбэлиит буолан балыыһаттан
тахсар. Ол да эрээри, сайынын оҕо үлэҕэ лааҕырын салайыыга үлэлээбитэ,
звеноларга өйүө таһыытыгар, кыһынын бэйэтин кыаҕынан араас үлэлэргэ
илиитин араарбакка 1986 с. диэри үлэлээбит. Константин Николаевич
Копырин кэргэнинээн Мария Емельяновналыын биэс оҕолоохтор. Барыта 9
сиэннээхтэр. Константин Николаевич олоҕун оҕолоро, сиэннэрэ, хос сиэннэрэ
салҕыыллар. Бу курдук мин олорор уулуссам сэрии ветерана, хорсун-хоодуот,
үлэһит бастыҥа, сэрии ыар кэмин барытын ааспыт Константин Николаевич
Копырин аатын сүгэр, киэҥ историялаах эбит. Кини туһунан билэн мин киэн
тутта санаатым. Биһиги дьоммут, хос эһэлэрбит, нэһилиэкпит ветераннара
дьоллоох олохтуһугар кыахааннарын тохпуттар, олохторун толукуурбутттар.
Ким да умнуллубат, туох да умнуллубат!
- 67-