Page 60 - Уруйдуогун улуу кыайыыны

ХОС-ХОС ХОС ЭҺЭМ ЫСТАПААН

Васильев
Степан Леонидович

И.И. Гоголев - Дыргыабай аатынан
Найахы орто оскуолатын
2-с кылааһын үөрэнээччитэ Татьяна Федорова.
Салайааччы Анна Николаевна Федорова
Эһэм Степан Леонтьевич Васильев Бээрийэ
нэһилиэгэр төрөөбүтэ. Кини тимир, масууһа, булчут эта.
Соҕотох уолун Ион Степановиһы 1941 сыллаахха сэриигэ
атаарбыта. УолаАрҕаа уонна Илин фроҥҥа сылдьыбыта. 1946 сыллаахха
«Германияны кыайыы иһин», «Японияны кыайыы иһин», «Бойобуой
үтүөлэрин иһин» мэтээллэрдээх дойдутугар эргиллибитэ.
Эһэбит Ыстапаан тыылга хаалан, Кутаама холкуос тэрилин кини
эрэ оҥороро. Колхоз дьонун куобахтаан, тайахтаан, муҥхалаан аһатан
тыыннаах хаалларбыта. Ол туһунан кырдьаҕастар кэпсииллэр эбит.
Кини бултаан аһаппатаҕа буоллар, биһиги аймах суох буолуо этибит
диэн. Булка эбэбитин Бараскыабыйаны эмиэ илдьэ сылдьара. Бултарын
аҕалан аччыктаан олорор ыалларга түүннэри түҥэтэллэрэ үһү. Эһэбит
норуот эмчитин Гурий Турантаевы бултуурга үөрэппит. Ол туһунан
Гурий эмиэ кэпсиир эбит. Оҕо эрдэхпинэ булка илдьэ сылдьара диэн.
Биһиги эһэбит элбэх ыалга олоппосторун, остуолларын сундууктарын,
ороннорун оҥороро. Ол маллара билигин да бааллар. Оннук бөҕөтүк
оҥоһуллубуттар.
Эһэбит сэрии кэмигэр бэйэтин дьонун таһынан биэс тулаайах аймах
оҕотун ииппит. Кини 1961 сыллаахха өлбүт. Ол сыл Юрий Гагарин
космоска көппүтүн араадьыйанан истэн олус соһуйбут. Киһи аны
халлааҥҥа тахсыбыт диэн сөхпүтэ үһү.
Мин эһэм тыылга хаалан элбэх киһи ыарахан олоҕор көмөлөспүтүн
билэн киэн тутуннум.

-58-