Page 70 - Уруйдуогун улуу кыайыыны

БУОРАХ СЫТТААХ СУРУКТАР

Сивцев
Василий Федорович

И.Н. Жирков аатынан Дүпсүн орто оскуолатын
4-с кылааһын үөрэнээччитэ Дуолан Молокотин.
Салайааччы Ольга Федоровна Протопопова

Мин, Дуолан Молокотин, 4-с кылаас үөрэнээччитэ,
24 эрэ саастаах үөрэх бастакы наркома И.Н. Жирков
аатын сүгэр Дүпсүн орто оскуолатыгар үөрэнэбин. Биһиги
оскуолабыт өрөспүүбүлүкэҕэ биир саамай кырдьаҕас оскуо-
ла, үгүс элбэх оҕону, ыччаты дойдуларыгар бэриниилээх, туһалаах дьон буо-
лан тахсалларыгар иитэн-үөрэтэн, сайыннаран таһаарар үтүө үгэстэрдээх
Дүпсүн оскуолатын биир үтүө үгэһинэн музейнай педагогика буо-
лар. Энтузиаст учууталлар үлэлээннэр, ону салҕааччылар баар буолан-
нар, билигин И.Д. Стрекаловскай аатынан кыраайы үөрэтэр, И.Д. Жирков
аатынан космонавтика уонна авиация, ону таһынан оскуола историятын
толору кэпсиир, сырдатар үс түмэллээхпит.
Педагогическай үлэ, тыыл бэтэрээнэ, Саха Республикатын үөрэҕи-
риитин туйгуна, минхосэһэм Василий Федорович Сивцев 1970 сыллаахха
Дүпсүҥҥэ кыраайы үөрэтэр түмэл иһинэн «Албан аат» саалатын тэрий-
битэ. Бу саалаҕа Дүпсүн сирин саллааттарын, тыыл бэтэрээннэрин анке-
талара, маллара, хаартыскалара булуллан, докумуоннара киирбитэ. Тыыл
бэтэрээннэригэр 760 киһиэхэ, араас тиэмэҕэ 150, биирдиилээн буойут-
тарга, үлэ, тыыл бэтэрээннэригэр аналлаах 59 планшет оҥоһуллубут. Өр
сылларга муспут матырыйаалларынан, 1995 сыллаахха «Дүпсүн алааста-
рыттан сэриигэ», 2006 сыллаахха «Ийэ дойду иһин олохпун да биэрэрбин
кэрэйбэппин» убайын Гаврил Федорович туһунан ахтыы кинигэтэ, 2009
сыллаахха «Сиргэ түһэн олох олорон», 2015 сыллаахха «Дүпсүн сирэ сэ-
рии сылларыгар» диэн кинигэлэрэ бэчээттэнэн тахсан төрөөбүт дойду-
тугар туохха да кэмнэммэт улахан нэһилиэстибэни хаалларбыта.

- 68-