Page 11 - Уруйдуогун улуу кыайыыны

ДҮПСҮН АЛААСТАРЫТТАН СЭРИИГЭ

Сивцев Бырааттыы Стрекаловскай
Гаврил Гаврил, Семен Михаил
Федорович Шадриннар Михайлович

И.Н. Жирков аатынан Дүпсүн орто оскуолатын
4- с кылааһын үөрэнээччитэ Күннэй Бурнашева.
Салайааччы Ольга Федоровна Протопопова

Аҕа дойду Улуу сэриитин туһунан биһиги кинигэт-
тэн, хаһыаттан ааҕан, киинэлэртэн көрөн, эһэлэрбит,
эбэлэрбит, учууталларбыт кэпсээннэриттэн истэн билэ-
бит. Дүпсүн сириттэн сэриигэ баран кыттыбыт саллааттар
тустарынан оскуолабыт иһинэн баар түмэлбит элбэҕи кэпсиир-көрдөрөр.
История учуутала, элбэх оҕону идэтигэр туһаайан үөрэппит Марфа Ивановна
Ховрова сэриигэ, кыайыыга аналлаах элбэх матырыйааллара историчны
кэрэһэлииллэр.
Дүпсүн нэһилиэгиттэн Аҕа дойдуну көмүскүүр Улуу сэрии үгүс фронугар
220 киһи сэриилэспитэ. Бу буойуттартан 98 саллаат уонна офицер кыргыс
хонуутуттан төннүбэтэхтэрэ - өлбүттэрэ эбэтэр сураҕа суох сүппүттэрэ.
Дүпсүн уолаттара 1941 сыл алтынньытыттан саҕалаан Москва анныттан
бүтүн Россия аҥаарын эт атахтарынан хааман, арҕаа Европа дойдуларын
кэрийэ кыргыһан, сэриини Берлинтгэ тиийэн түмүктээбиттэрэ. Саха сирит­
тэн ыҥырыллыбыт буойуттары кытта дүпсүттэр Забайкальскай байыаннай
уокурукка Мальта станцияҕа байыаннай үөрэҕи барбыттар. Үгүстэрэ үөрэҕэ
суох, нууччалыы билбэт буоланнар, сүрдээҕин эрэйдэммиттэр. Ол гынан
баран, айылҕаттан булугас, сытыы өйдөөх сахалар сотору хамаанда тылын
өйдүүр, айылҕаттан булчут буолан винтовка, автомат саалары, пулемету
түргэнник баһылаабыттар. Байыаннай дьыалаҕа үөрэтэр офицердар, үөрэҕэ
суох сахалар тылга дьоҕурдаахтарын, табатык сыал ыталларын, тыаһа суох
хаамалларын бэлиэтииллэр эбит. Ол да иһин фроҥҥа сахалар снайпер,
разведчик, минометчик буолаллара.