Page 159 - Майаҕатта Бэрт Хара

5
*

Тоҥон-хатан үөскээбит
Туппуччай туойчааныам,
Тупсаҕайдыыр буолаахтаа...
(Эбэрикээн күлэр)
Эбэрикээн: Оччугуйкаан оҥоһугум,
Орун-оннугар түбэспиччэ,
Буутун этэ бу курдук буспут,
Сиһин этэ ситигирдик сиппит,
Быыппастыгас былчыҥнаах,
Аттааҕар бөҕө, кустааҕар быһый
Уол оҕото буола кубулуй дуу...

(Тыас-уус уларыйар. Чочумча чуумпурар. Оҕо ытыыра иһиллэр. Соһуйбут Эбэрикээн салгыы
сыанан-арыынан сыбаан, о/гоһугу бүөбэйдээн барар. Оҕо ырбаахытын таһаарар.
Сыана эргийэр 15 саастаах оҕото көстөр. Сыана эргийэр сыарҕаҕа киһи көстөр. Быыс)

2 КӨСТҮҮ

(Сабыстай ойуун тонхойоп ботугуруу олорор)

Сабыстай Ойуун: Харахтаах бэйэм кый ырааҕы ырыҥаланан, инникини биттэнэн көр-
бүт киһи баар ини, кулгаахтаах бэйэм үрүлүйэр үөһээттэн иһиллэр сипсиэри, адьарайдаах
алларааттан үргүйэр сибикини иһиллээбит киһи баар ини... Атааннаах, араллааннаах аан ийэ
дайдыбыт сиигинэн силлэрин саҕана, орто туруу бараан дойдубут тулхадыйбат өһүөтүн ким
өрөһүйүөй? Бу дьалхааннаах, былдьаһык кэмнэргэ аллар уулаах Аллан эбэ дьапталҕалаах
хайаларыттан саҕалаан үс түллэр үөстээх Өлүөнэ эбэбит арҕаа кытылын хочолоругар тиийэ
тайаан сытар аҕа уустара уруурҕаһан, илин-кэлин түсүһэр кэмнэрэ кэллэ эбээт! Күүстээх
күүстээҕи бурайар, кыахтаах кыахтааҕы самнарар... Сипсийиҥ эрэ миэхэ, көстүбэт кистэлэҥ
күүстэрим, сипсийиҥ, этиҥ, ыйыҥ-кэрдиҥ, хайалара...