Page 37 - Василий Сивцев. Производство хамандыырдара

ылбыта. Үлэһит киһи хааныгар баар диэбиккэ дылы, букатын эдэр
эрдэҕиттэн дьон кэннигэр сылдьыбакка, ортоку булкуллубакка, мэлдьи
инники күөҥҥэ сылдьыһарга талаһара.Ол үтүө хаачыстыба киниэхэ,
бука, төрөппүттэриттэн бэриллиннэҕэ чуолкай. Василий Николаевич
эппит тылыгар булгуччу турарынан, хас биирдии киһи үлэлиир усу-
луобуйатын сөптөөхтүк тэрийэринэн, үлэһит кыһалҕатын өйдүүрүнэн
дьоҥҥо-сэргэҕэ ытыктанар салайааччы буолбута өр сыллаах мускуур-
даах үлэттэн таҕыстаҕа.
В.Н. Пермяков баай ис хоһоонноох үтүөкэн үлэ оскуолатын ааспы-
та. Үлэни табан көҕүлүүр, ураты дьулуурдаах, тэрийэр дьоҕурдаах эдэр
киһини салалта сыыйа салайар үлэҕэ таһааран испитэ. Салайар үлэҕэ
таһааран испитэ диэн өйдөбүл биирдэ соҕотоххо кэлэ охсубатаҕа. Эл-
бэх күннэр-дьыллар, сут-судьураан, өҥ да бириэмэлэр кэлитэлээннэр
кини уйанын-хатанын бэрэбиэркэлээбиттэрэ. Василий Николаевич
итини барытын эт атаҕынан мискиллэн ааспыта, үлэ араас эйгэтигэр
эриллэн-мускуллан, тыа сиригэр илии ыарахан үлэтин бары ымпыкта-
рын-чымпыктарын билэн, үгүс дьону билсэн-көрсөн, салайар талаана
биллэн, арыллан, сайдан барбыта.
Василий Пермяков бэйэтэ билинэринэн, салайааччы быһыытынан
үүнэн сайдан тахсарыгар совхоз директора Степан Гаврильевич Охлоп­
ков, партком секретара Иван Спиридонович Оконешников, профком
председателэ Афанасий Афанасьевич Окоемов, Суотту отделениетын
управляющайа Гаврил Алексеевич Неустроев курдук дьоһун салайаач-
чылары кытары «эн-мин» дэсиһэн үлэлээбитин, наадалаах кэмнэргэ,
ыксаллаах да түгэннэргэ сүбэ-ама биэрбиттэрин улахан убаастабылы-
нан, истиҥ биһирэбилинэн ахтар. Кырдьык даҕаны, маннык улахан
уопуттаах салайааччылары кытары бииргэ үлэлээһин киһи ахсын бэ-
риллибэт, дьылҕа-хаан оҥоһуута, ыйааҕа буоллаҕа. Салайар үлэ хаһан,
ханна баҕарар эппиэтинэһэ улахан. «Лена» совхозка директорынан саа-
май уһуннук уонна үрдүк таһаарыылаахтык С.Г. Охлопков үлэлээбитэ.
Оччолорго курааннаан, Намынан, Кэбээйинэн көһөн оттооһун тэрил-
лэрэ. Кырыымчык аһылыктаах ыарахан кыстыктар ааһыталаабыттара.
Маны сэргэ, Суотту, Тумул отделениеларыгар ыанньык сүөһүгэ бру­
целлез ыарыы туран, хас эмэ сүүһүнэн саамай талыы, киһи харыһыйар
үүттээх-төрүехтээх ынахтара өлөрүллүбүттэрэ. Бу биллэн турар, сов­
хозка, отделениеҕа, биригээдэҕэ ыанньык ынах былаанын толорууга,
бородууксуйаны оҥорууга олус ыарахан балаһыанньаны үөскэппитэ
саарбаҕа суох. Ити барыта салайааччыттан хаһааҥҥытааҕар да эппиэ-
тинэстээх, ирдэбиллээх буолууну ирдиирэ.
Биир сыалга, сорукка өйдүүн-санаалыын түмүллүбүт биригээдэ ра-
бочайдара биригэдьиирдэрин тула өссө ыкса хомуллан күүрээннээх
үлэнэн үөскээбит уустук балаһыанньаттан этэҥҥэ туораабыттара.
Көрөр-истэр, оҕолуу бүөбэйдиир сүөһүлэриттэн былааннаах бороду-

35