Page 55 - Василий Сивцев. Производство хамандыырдара

Улуу тунах ыһыада.
юбилейдаах сылын көрсүһүүгэ активнайдык кыттыбыт нэһилиэк вете-
раннара мустубуттар. Улуус нэһилиэктэриттэн 240-ча ветеран кэлбит.
Бары саастарынан пенсияҕа тахсыбыт, эдэр-сэнэх саастарын колхоз,
совхоз производствотыгар, нэһилиэк араас тэрилтэлэригэр анаабыт
нэһилиэк убаастыыр, киэн туттар дьонноро. Бүгүн манна бааллар тыа
хаһаайыстыбатын новатордара, культура, оҕо садын үлэһиттэрэ, учуу-
таллар, иитээччилэр, тэрилтэлэр салайааччылара.
Алфавитнай бэрээдэгинэн нэһилиэктэринэн сахалыы тупсаҕай та-
ҥастаах ветераннар парадтаан киирэллэр. Нэһилиэктэр социальнай
үлэһиттэрэ бырааһынньыктарыгар улахан суолта биэрэн эрдэттэн бэ-
лэмнэммиттэрэ кырдьаҕастар санааларын иһинэн буолла. Билигин
даҕаны эдэрдии эрчимнээх, чэпчэкитик туттан-хаптан сылдьаллара,
тупсаҕайдык тигиллибит таҥастара бэйэлэригэр сөрү-сөптүк олороро
көрүөххэ үчүгэйэ сүрдээх. Манна бааллар Тандаттан үлэ Геройа аатыр-
быт ыанньыксыт Михаил Готовцев, Курбуһахтан сиилэһи угууга рес-
публикаҕа тиийэ аатырбыт Николай Бурнашев, бастыҥ рационализа­
тор Константин Федоров, ор сылларга колхоз, совхоз производствотын
салайбыт Бэрт Ууһуттан Константин Слепцов, Өнөртөн Николай Лит-
винцев, Найахыттан Кондрат Исаков, Дүпсүнтэн Василий Илларионов,
Татьяна Сивцева, Лөгөйтөн Петр Попов, Тандаттан Михаил Ховров,
Степан Готовцев, Суотгуттан Афанасий Окоемов уо.д.а. Кэрэ музыка
доҕуһуолунан салайтаран сүүһүнэн ахсааннаах ветераннар саалы эргийэ
хаамсалларын дохсун ытыс тыаһынан атаараллар. Баһылайдаах Ааныс
сиэттиһэн урукку эдэр эрдэҕинээҕи саастарын санаан аастылар... Бүгүн
улуус салалтата кинилэр олоххо киллэрбит сүдү кылааттарын бэлиэтээн
ветераннар балларын тэрийбиттэрэ хайҕаллаах дьыала. Бал кыттыылаах-
тарын эҕэрдэлээн элбэх истиҥ-иһирэх, махтал тыллара этилиннилэр.
53