Page 54 - Василий Сивцев. Производство хамандыырдара

новтар дьиэ кэргэттэрэ бэлиэ даталарга сөп түбэһиннэрэн ыһыах
ыһаллар, араас бырааһынньыктааҕы мероприятиелары киһи сүргэтэ
көтөҕүллэрдик ыыталлар. Онно бу сайылыктан сыдьааннаах дьон-
нор, ыччаттар, сиэннэр киэһэ хойукка диэри көрү көҕүлүттэн ту-
тан дуоһуйа оонньоон-көрүлээн ааһаллар. Тустууга, хапсаҕайга, мае
тардыһыытыгар, оһуохайга, ырыаҕа күрэхтэһии тэрийэллэр. Өбүгэ
оонньууларыгар кыайбыттарга сыаналаах бириистэри, мүһэлэри Ил-
ларионовтар дьиэ кэргэттэрэ бэйэлэрэ оҥороллор. Бырааһынньык күн
сайылык олохтоохторо ыалдьыттары кыынньа сылдьар кымыһынан,
үтэһэлээх эмис этинэн, көбүөрдээх лэппиэскэнэн, саламаатынан айах
тутан күндүлүүллэр.

Эдэр саасгарын эргиттилэр

Киһи сааһыран истэҕин ахсын көмөҕө наадыйара улаатар, илии-
хары үлэтин кыайбата элбиир. Дьэ, биир тылынан эттэххэ, сааһырбыт
киһи эргиччи болҕомтоҕо наадыйар. Киһи санаабытын курдук
дьон кыһалҕатын барытын толорон иһэр кыаллыбат, барыта үптэн-
харчыттан тутулуктаах. Ол үрдүнэн, улуустааҕы социальнай көмүскэл
управлениета төһө күүһэ-кыаҕа баарынан үлэтигэр саҥаттан-саҥа
сүүрээннэри киллэрэн, кырдьаҕастар, кыамматтар олохторун чэпчэ-
тиигэ былааннаах үлэни ыытар. Ол чэрчитинэн соторутааҕыта улуу-
ска биир бастакынан ветераннар баллара үрдүк тэрээһиннээхтик, өрө
көтөҕүллүүлээхтик ыытыллыбытын билиһиннэриэхпит баҕарабын.
Улуус бары нэһилиэктэриттэн ветераннар бастакы балларыгар тэ-
рээһиннээхтик кииртэлээтилэр. Дүпсүн нэһилиэгин кырдьаҕастарын
ортолоругар Василий Макарович кэргэнинээн Анна Николаевналыын
эмиэ бааллара. Ветераннар бу бырааһынньыктарыгар эрдэттэн тэрим-
миттэрэ, бэлэмнэммиттэрэ өтө көстөр. Ас арааһын бэлэмнээбиттэрэ,
сахалыы таҥас талыытын тиктибиттэрэ киһини сөхтөрөр. Кырдьаҕас-
тар сылаас тыыннарыттан өбүгэ саҕаттан тымныытынан аакка-сурахха
киирбит ахсынньыбыт бүгүн мүлүрүйбүккэ дылы буолбут. Бы-
рааһынньыктыы киэргэммит спортивнай комплекс таһыгар массыы-
на арааһа тоҕуоруспут. Манна бырааһынньык буоларын биллэрэрдии
кэлии-барыы, киирии-тахсыы үксээбит. Кэнники кэмнэргэ бу улахан
спортивнай комплекска улуус араас мероприятиелара ыытыллара үтүө
үгэскэ кубулуйда.
Иһирдьэ киирбитим кэҥэс спортивнай комплекс үөрбүт-көппүт
дьонунан туолбут. Икки эрээтинэн тардыллыбыт остуолларга саха
киһитин хараҕа халтарыйар аһа-үөлэ өрөһөлүү тардыллыбыт. Бу улу­
ус тэрилтэлэрэ шефтээх нэһилиэктэрин кытары кыттыһан туруорбут
баай остуоллара. Саала иһигэр сахалыы алыптаах намыын музыка
киһи сүрэҕин ортотунан киирэргэ дылы. Бүгүн манна Улуу Кыайыы
52