Page 29 - Айдааннаах үйэ уолаттара

да саахалы оҥорбокко, оннооҕор биирдэ да праватыгар прокол да
оҥорторбокко, куоратынан, оройуонунан сырытта аҕай ини. Үксүгэр
өрөбүлэ суох, эгэ уоппуска диэн кэлиэ дуо, нэһилиэк соҕотох мас-
сыыната наадаҕа барытыгар сүүрэрэ. Иэдээн баар, ыарахан ыары-
һахтары, оҕолоноору ыксаабыттары суһаллык Суоттуга медпууҥҥа
эбэтэр Бороҕоҥҥо балыыһаҕа тиэрдэрэ. Таарыччы киннэ, почта аҕа-
лара, дьону тиэйэрэ.
Касьян Семенович ол кэминээҕи үлэтин кэпсииригэр үс төгүл
мүччүргэннээх түгэҥҥэ киирэн тахсыбытын ахтан аһарбыта. Ол
курдук Арыы Тииттэн бакенщик нуучча ойоҕун, иккитэ Тумул эргин
олохтоох дьахталлары Суоттуга оҕолонор сиргэ илдьэн истэҕинэ,
аара быыһанапнар, кутталга киллэрэ сылдьыбыттар. Сайыҥҥы кэм
буолан, хата этэҥҥэ быыһанаахтаабыттар. Итилэртэн биир түбэлтэ-
тигэр аатырбыт фельдтер Черкашин Егор Ананьевич арыаллаан
иһэр буолан, туох да куттала суох этэҥҥэ ааспыт. Киһи эҥин-дьүһүн
буолан хаалар түбэлтэтигэр улахан кыбыстыылаах суол буолуон
сөп этэ.
Касьян Семенович уонна Марфа Николаевна Халдеевтар түөрт
оҕолоохтор, оннооҕор сиэннэрэ улаатан, үлэһнт буолуталаан эрэллэр.
Ол быыһыгар кыракый сиэннэрэ — мурун бүөлэрэ эмиэ сырсап то-
һугураһаллар. Кинилэр эһэлэрин Аҕа дойду сэриитин П-с степеннээх
орденын, «Японияны кыайыы иһин», «1941-45 сс. Аҕа дойду сэрии-
тин кэмигэр килбиэннээх үлэтин иһин», элбэх атын юбилейнай ме-
далларын, үлэ бочуоттаах знактарын көрө-көрө кининэн киэн тут-
таллар.

Кыайыыны

Австрияҕа

көрсүбүтэ

Михаил Тимофеевич олоҕун, үлэтин туһунан олохтоохтук, уһун-
нук дьарыктанан суруйар буоллар соп этэ. Бириэмэбит кылгаһынан,
тус бэйэтин кытта атах тэпсэн олороп кэпсэтэр түбэлтэ тиксибэтэ-
ҕинэн, аггардас Аҕа дойду сэриитигэр кыттыытын туһунан суруйар-
бар тиийэбин.
Михаил Тимофеевич 1921 сыллаахха Уус-Алдан оройуонун