Page 134 - Сэрии кэмин оҕолоро 2 кинигэ

ӨЛТӨХ нэһилиэгэ

лээбитэ. Онтон кэлин хачыгаарынан. Кэргэнэ Данилова Елена Саввична, Орто Эбэ
оскуолатыгар учууталлаабыта, 3 оҕолоохтор.
Мин 1947 сыллаахха Орто Эбэ оскуолатыгар «0» кылааска үөрэнэ киирбитим, онтон
сэттис кылаас кэнниттэн уурайан, ийэбэр ньирэй аһатарыгар, хортуоппуй, хаппыыс-
та үүннэриитигэр көмөлөспүтүм. Онтон үөрэхпин сатҕаан, Майа орто оскуолатыгар
үөрэммитим. 1964 сыллаахха онус кылааһы бүтэрбитим.
1965 сыллаахха Уус Алдаҥҥа Мүрүгэ дошкольнай куурус аһыллан, ону ситиһиилээх-
тик бүтэрэн, дойдубар Арыылаахха үлэбин саҕалаабытым.
Дестадпыт 25 миэстэлээх этэ, сэбиэдиссэй Олесова Февронья Николаевна.
1968 сыллаахха Бэйдиҥэ уолугар Татаринов Петр Николаевичка кэргэн тахсыбытым.
1970 сылтан Бэйдиҥэ «Чэчир» детсадыгар биэнсийэҕэ тахсыахпар диэри үлэлээбитим.
4 оҕолоохпун, 7 сиэннээхпин, 2 хос сиэннээхпин.
Улахан кыыс Татаринова Ньургустана Петровна, полиция бэтэрээнэ, билигин биэн-
сийэҕэ олорор. Иккис оҕом Николай Петрович, «АДК» ООО диэн көмүс хостуур тэ-
рилтэҕэ суоппарынан үлэлиир. 2 уол оҕолоох, биир уол сиэннээх. Орто кыыс Харитина
Петровна, бэйэм курдук иитээччи үөрэхтээх, кэргэннээх, 3 оҕолоох, 1 кыыс сиэннээх.
Атыы-эргиэн эйгэтигэр үлэлиир. Кыра кыыс Сахалина Петровна 2 кыыс оҕолоох,
атыы-эргиэн эйгэтигэр үлэлиир.
Бэйэм билигин Дьокуускай куоракка биэнсийэҕэ олоробун.
24.02.2020 с.

Данилова (Сыроватская) Варвара Николаевна

Мин 1943 с. муус устар 15 к. Дүпсүн улууһун Тэбиик нэһи-
лиэгин Күөх Көрдүгэн сиригэр төрөөбүтүм.
Аҕам Сыроватскай Николай Львович, ийэм Романова Ека-
терина Ивановна Баатаҕай нэһилиэгиттэн төрүттээх. Аҕам мин
кырабар олохтон туораабыт, ийэм түөрт оҕолоох огдообо хаал-
быт. Кэлин үс уол оҕолоох огдообо киһиэхэ Сивцев Лев Васи-
льевичка кэргэн тахсан олорбута.
Мин оҕо сааһым Күөх Көрдүгэҥҥэ ааспыта. Сайынын
Куоҕастаах, Маралаайы сайылыктарбытыгар олорорбут. Мин
дьоммор кыра оҕолоро этим, дьиэҕэ ийэлээх аҕабар илин-кэ-
лин түсүһэн көмөлөһөрүм: ньирэй, ынах хомуйуута, уу-мас бэ-
лэмигэр сылдьыһарым, хортуоппуйга, хаппыыстаҕа уу баһан
көмөлөһөрүм, өссө көҥдөй луук олордор этилэр, сибиинньэ эмиэ иитэллэрэ.
Аҕабыт кыһынын бултуура: куобах, тииҥ, кырынаас, андаатар өлөрөрө, сайынын
холкуоска фермаҕа уонна окко туттуллар тэриллэри: сыарҕаны, күрдьэҕи, атырдьаҕы,
кыраабылы, хоруудалары, ньирэй угар килиэккэлэри дэлэйдик оҥорон туттарара, онон
көлөһүн күнүн аахсара. Ийэм сүөһүтүн таһынан субай сүөһүгэ бостууктуура, өссө моой
оттууллара, ийэм сатаан от охсоро.
Аҕабар тыаҕа бэлэмнээбит маһын таһыытыгар, сыарҕа сыҥааҕын иэҕиитигэр тэҥҥэ
сылдьыһарым, ити үлэ олус бириинчик уонна ыарахан үлэ этэ. Сөптөөх тиит силиһит-
тэн эбэтэр көнө мастан иэҕэн таһаарарбыт. Маһы ууга сытыаран сымнатара, хонно-
рон баран халыыпка сыттыаран иэҕэн ыларбыт. Мин ураҕас маһынан көмөлөһүннэрэн
тардан иһэрим, кини сөптөөх сиригэр ытаһалаан иһэрэ, бүтэһигэр кытаанахтык тутта-
рарбыт уонна ол курдук хоннорорбут, сарсыныгар босхолоон ыллахха, сыарҕа сыҥааҕа
буолан тахсара.
Ити курдук уһун сайыны быһа үлэлиирбит. Күрдьэҕи, атырдьаҕы, кыдамалыыр уһун
уктаах атырдьаҕы, кыраабылы, сыарҕа адарайын кыһыннары онороро. Ити үлэлэрбит

130