Page 131 - Сэрии кэмин оҕолоро 2 кинигэ

ӨЛТӨХ нэһилиэгэ

отделениета буолбута. Ийэм Эрбэһиниттэн барбакка эдьиийим ааҕы кытта уонча сыл
олорбуттара. Мин кэргэним Готовцев Константин Иннокентьевич, суоппар идэлээх
буолан, Уһун Күөл учаастагар көспүппүт. Онно көһөн тиийэн үс сыл олорон барам-
мыт дьиэ суоҕуттан аны Баатаҕайга кэлэн олохсуйбуппут. Баатаҕайга кэлэн барам-
мын «Биэттэ» отделениетыгар «Тунах» ферматыгар ыанньыксыттаабытым. Бу кэмнэргэ
оскуола кэнниттэн «Оскуола-производство-ВУЗ» путевканан оскуоланы саҥа бүтэр-
бит эдэр кыргыттарга наставниктаабытым. Сайылыкка ити сылларга сабыс саҥа икхи
квартиралаах дьиэ, хаптаһын саҥа титиик, дойка аппаратыгар аналлаах биирдии ынах
киирэн турар анал оҥоһуулаах тимир стойка баар буолбуттара. Кыһыл муннук ам-
паар дьиэҕэ баара. Онно үүт ыйыыр сир, молоковоз кэлэн үүтү оботторор улахан баа-
ҕа баара. Хас ыам аайы Баатаҕайтан молоковоз кэлэн үүтү ылан барара. Бу кэмнэргэ
молоковозка Федоров Иван Иванович суоппардыыра. Ынах ыамын кэмигэр автодой-
ка холбоноро. Нэдиэлэ аайы хаста да ферма биригэдьиирэ, ветеринардар, зоотехник
тиһигин быспакка кэлэн тустаах үлэлэрин, ньирэйдэри көрөн, эмтээн, учуоттаан-мээ-
рэйдээн бараллара. Хас биирдии ынахтан ыаммыт үүт грамыгар тиийэ учуоттанара.
Ыанньыксыттарга күннээҕи, ыйдааҕы былааннар түһэриллэллэрэ. Былааны толорор
инниттэн ынахтары кичэйэн ыырбыт. Кэлин «Тунах» сайылык бөһүөлэктэн тэйиччи-
тин иһин ферманы көһөрбөт буолбуттара. Мин биэнсийэҕэ тахсыахпар диэри «Көй-
бөх», «Сатаҕай» фермаларыгар ыанньыксыттаабытым. Бу үлэлээбит кэмнэри.м устата
ынах ыаһыныгар бэрилтэр былааммын куруутун аһара толорон, кыстык устатата сүөһү
ахсаанын энчирэппэккэ үлэлээн кэлбитим. Сэбиэскэй тутул кэмнэригэр сопхуос бас-
тын үлэһитэ буоламмын чиэстэнэр, бочуоттанар этим. Ол курдук отделение, сопхуос,
оройуон салалтатыттан элбэхтик наҕараадаламмытым, хаста да фонданан бириэми-
йэлэммитим. Үлэлээбит кэмим устата биир да ыамы көтүппэккэ, ол быыһыгар оҕо-
лорбун детсадка бэрийэн ыытан, оскуолаҕа тэрийэн ыытан биир күн сынньаммакка,
биирдэ да уоппуска ылбакка үлэлээбитим. Пятилетка былаанын толороору ылыныл-
лыбыт эбэһээтэлистибэни куоһара толорор инниттэн үлэҕэ эппиэтинэстээхик турунан
туран үлэлиирим. Үлэм режимин кьггаанахтык тутуһарым. Бастыҥ ыанньыксыттар
ыҥырыыларын ылынан хас биирдии ыанар ынахпыттан 2700 кг үүтү ыаммын «Биэт-
тэ» отделениетыгар холобурга сылдьар буолбутум. Ситиһиилэрим сылын аайы сопхуос,
отделение салалтатын аатыттан сыаналанар этилэр. Бастыҥ үлэһиттэр слеттарыгар де-
легат, семинар-практикумнарга ыҥырыллыы, «Бастыҥ уопут» оскуолатыгар кыттыы —
бу барыта улахан чиэс буолара. Бастыҥ үлэһит аатын ылан суруктаах аатай лиэнтэни
кэтии, грамота, бэлэх ылыы сүдү улахан наҕараадаҕа тэҥнээх курдук буолара.
Биэнсийэҕэ да тахсан бараммын ыччат ферматыгар наставниктаабытым. Сэбиэскэй
тутул ыһыллыаҕыттан сайылыктар өтөхсүйэн, фермалар хотонноро, баҕаналара эрэ
чороһон тураахтыыллар. Эмис эти дэлэппит, өлгөм үүтү ыабыт сэбиэскэй кэм туруу
үлэһит дьонун ахсаана кэм аастаҕын аайы аҕыйыы турар. Ситиспит кирбиилэрбит сэ-
биэскэй кэми кытта сиик буолан симэлийдэ.
Онтон мин билигин 82 сааспын куоһаран олорон олоҕум тухары ыанньыксыттаабыт
кэмнэрбин түүнүн түһээн үчүгэй түүл курдук көрдөхпүнэ дууһам сылаанньыйар.
40-тан тахса сыл устата Баатаҕай нэһилиэгин «Чапаев» холкуоһугар, онтон «Биэттэ»
отделениетыгар ыанньыксыт ыарахан үлэтигэр ситиһиилээхтик үлэлээбиппин диэн
киэн тутта кэпсэнэрим оруннаах эбит.
Күүрээннээх үлэм кэмнэрин үгүс элбэх грамоталарым, махтал суруктарым, бириэ-
мийэҕэ бэриллибит маътарым, түөскэ анньынар бэлиэ мэтээллэрим кэрэһҥтииллэр.
2 0 1 8 сыл сэт инньи 2 4 к ү н э

127