Page 132 - Сэрии кэмин оҕолоро 2 кинигэ

ӨЛТӨХ нэһилиэгэ

Давыдова Февронья Константиновна

Мин 1945 сыллаахха Курбуһах нэһилиэгэр Константин Анем-
подистович Бурнашев, Аксиния Ивановна Данилова дьиэ кэр-
гэнигэр күн сирин көрбүтүм. Дьонум холкуос төһүү үлэһиттэрэ
этилэр. Аҕам Танда оскуолатыгар үөрэнэн 4 кылааһы бүтэрбитэ.
Сэрии иннинэ «Дулҕалаах» холкуоска бэрэссэдээтэллээбитэ.
Кини 1941 с. атырдьах ыйыгар фроҥҥа ыҥырыллыбыта уонна
1943 с. олунньуга ыараханнык бааһыран дойдутугар эргиллэн
кэлбитэ. Ийэм тыыл бэтэрээнэ этэ. Мин ыал улахан оҕотобун.
Курбуһах сэттэ кылаастаах оскуолатыгар интэринээккэ олорон
үөрэммитим. Үөрэнэ сылдьан спорт хас да көрүҥүнэн дьарык-
таммытым: хайыһарынан, сүүрүүнэн, остуол тенниһинэн, бас-
кетболунан, туризмынан уонна барытыгар үчүгэй ситиһии-
лэнэрим. Бэһис кылааска үөрэнэ сылдьан, «Бэлэм буол» хаһыат бирииһигэр хайыһарга
бастааммын, «Смена» диэн фотоаппаратынан наҕараадаланан үөрбүтүм.
1960 с. күһүн биһиги оскуолабытыгар Местникова Екатерина Ивановна диэн пио-
нер баһаатай үлэлии кэлбитэ. Саҥа тэриллибит пионерскай дружина Олег Кошевой
аатын сүкпүтэ. Мин пионерскай дружина бастакы бэрэссэдээтэлинэн үлэлээбитим.
Екатерина Ивановна үлэтигэр сүрдээх бэриниилээх, ирдэбиллээх этэ. Мин бу биир
сыл кини салалтатынан, көмөтүнэн үлэлиирбэр инники олохпор элбэххэ да үөрэммит
эбиппин. Инники олохпор идэбин таларбар, үлэҕэ бэриниилээх буоларга, дьону-сэр-
гэни кытта сатаан үлэлииргэ, активнай позициялаах буоларга. Мин олохпор туту эмэ
ситиспит буоллахпына, бу барыта кинини кытта сибээстээх.
Үөрэх дьыла бүппүтүн кэннэ биһиги оскуолабытыттан биэс оҕону: Пестряко-
ва Дашаны, Васильев Толяны, Герасимов Ваняны, Григорьев Коляны уонна мии-
гин, өрөспүүбүлүкэ үрдүнэн 21 оҕону Дьокуускай-Москва-Киев маршрутунан илдьэн
күүлэйдэппиттэрэ. Биһигитгэн учууталбыт Максимов Афанасий Нестерович сьш-
дьыспыта. Ыйы быһа күүлэйдээн кэлбиппит. Бастакы космонавы Юрий Гагарины илэ
бэйэтин көрбүппүт.
Салгыы Сыырдаах оскуолатыгар үөрэнэн, 1964 с. бүтэрбитим. Манна да спордунан
дьарыктанарбын тохтоппотоҕум. Улууска да, өрөспүүбүлүкэҕэ да өрүү кыттарым, миэс-
тэлэһэрим. 1964 с. оскуоланы бүтэрэн баран, Сыырдаах кулуубугар сэбиэдиссэйинэн
үлэлээбитим. Манна билбитим оскуола кэнниттэн улахан дьону салайан үлэлэтэри.
Фермалары кэрийэ сылдьан агитмуннуктары тэрийэн үлэлэтэрбит. Сотору-сотору
мунньахтар, субуотунньуктар, гастроллар буолар этилэр. Хата, Сыырдаах дьоно-сэр-
гэтэ, ыччаттара ыытыллар үлэлэргэ сүрдээх көхтөөхтөрө. Волейболлуулларын наһаа
сөбүлүүллэрэ. Кулууп таһыгар волейбол сиэккэтэ баара, онно киһи бөҕө мустара.
1965 с. Бороҕоҥҥо спортинструкторынан ылбыттара. Үксүн күрэхтэһиилэргэ сыл-
дьар этим. Мантан саҕаламмыта араас таһымнаах күрэхтэһиилэргэ кыттыы, кыайыы
өрөгөйүн билии, улуус күүстээх спорсменнарын кытта билсии, бииргэ эрчиллии.
1966 с. Кемерово куоракка Уһук Илин хайыһардьыттарын күрэхтэһиитигэр 5-8 км
маастарга кандидат нуорматын толорбутум. Онтон кэлэн баран «Урожай» общество
чемпионатыгар бары дистанцияларга бастаабытым. 1967 с. Магадаҥҥа пединститукка
үөрэнэ киирбитим. Магадан уобалаһын сүүмэрдэммит хамаандатыгар киирсэн, үгүс
күрэхтэһиилэргэ кыттарым. Хайыһарга Магадан уобалаһыгар 5 төгүл бастаабытым.
1971 с. үөрэхпин бүтэрэн төрөөбүт дойдубар Курбуһахха, Мүрү орто оскуолаларыгар
учууталынан уонна тренеринэн үлэлээбитим.
1972 с. хайыһарга өрөспүүбүлүкэ чемпионунан буолбутум. 1979 с. Уһук Илин зона-
тыгар тыа сирин хамаандаларын икки ардыларыгар ГТО кыһыҥҥы многобориетыгар
бастакы миэстэни ылбытым, Новодвинскай куоракка кулун тутарга Союз финалыгар
3 км бастаабытым. 1989 с. профсоюзтар бастакы спартакиадаларыгар кроска, вело-

128