Page 17 - Сэрии кэмин оҕолоро 2 кинигэ

МҮРҮ нэһилиэгэ

харыстабылын инспекторынан, 2002 сылтан эбии үөрэхтээһин педагогунан 26 сыл,
биэнсийэҕэ барыар диэри үлэлээбитэ. Уопсай үлэтин ыстааһа 52 сыл,
Ону таһынан 1991 сылтан Уус Алданнааҕы территориальнай быыбар комиссиятын
бэрэссэдээтэлинэн талыллан, 2015 сылга диэри 24 сыл устата үрдүк көрдөрүүлээхтик
үлэлээбитэ.
1976 сыллаахха олоҕун аҥаара Бурнашева (Ушницкая) Анна Прокопьевналыын ыал
буолан, үс оҕолонон, аҕыс сиэннэнэн күн бүгүнүгэр диэри иллээхтик олороллор. Оҕо-
лоро үһүөн үрдүк экономическай үөрэхтээх үлэһит дьон.
Улахан уол Бурнашев Юрий Петрович, «Якутцемент» ААУо генеральнай дириэктэри
солбуйааччы, кэргэннээх, үс оҕолоох. Кэргэнэ Ольга Михайловна, оҕолоро Андрей,
Алена уонна Алеша.
Ортоку уол Бурнашев Никита Петрович — Уус Алданнааҕы сокуоннай саастарын
ситэ илик оҕолору реабилитациялыыр киин дириэктэрэ, кэргэннээх, икки оҕолоох.
Кэргэнэ Женни Валериевна, оҕолоро Элина уонна Петя.
Кыыстара Ильина (Бурнашева) Марфа Петровна ВТБ бааҥҥа отдел начальнигынан
үлэлиир, кэргэннээх, үс оҕолоох. Кэргэнэ Максим Владимирович, оҕолоро Вова, Юра
уонна Сандаара.
Петр Никитич үлэлиир сылларыгар элбэх государственнай, правительственнай,
улуус, нэһилиэк таһымнаах наҕараада, знак, мэтээл хаһаайына буолбута. Ол курдук:
«За доблестный труд в ознаменование 100-летия В.И. Ленина» (1970), «Ветеран труда»
(1991), «80 лет ВЛКСМ» (1998), «120 лет И.В. Сталину» (1999), «50 лет Победы совет-
ского народа в ВОВ 1941—1945 гг.» (2005), «130 лет И.В. Сталину» (2009), «55 лет По-
беды советского народа в ВОВ 1941—1945 гг.» (2010), «100 лет Великой Октябрьской
социалистической революции» (2017), «100 лет ВЛКСМ» (2018), «100 лет Ленинскому
комсомолу» (2018), «Дети войны» (2019) мэтээллэр, «Отличник образования Респу-
блики Саха (Якутия)» (2001), «За заслуги в организации выборов в Республике Саха
(Якутия)» (2002), «За гражданскую доблесть» (2004), «За вклад в социально-экономиче-
ское развитие Усть-Алданского улуса» (2009), «Ветеран сельского хозяйства Республики
Саха (Якутия)» (2009), ЦИК РФ «За заслуги в организации выборов» (2012) бэлиэлэр
хаһаайыннара. Лөгөй, 2 Лөгөй, Мүрү нэһилиэктэрин, Уус Алдан улууһун Бочуоттаах
олохтооҕо, РФ уопсай үөрэхтээһинин Бочуоттаах үлэһитэ.

Бурнашев Юрий Алексеевич

Мин 1942 сыллаахха атырдьах ыйын 29 күнүгэр Курбуһах
нэһилиэгэр төрөөбүтүм. Аҕам Бурнашев Алексей Афанасье-
вич атыылааччы этэ. Ийэм Аммосова Елена Алексеевна мин
үс саастаахпар олохтон барбыта. Кинилэр иккиэн Курбуһахтан
төрүттээх этилэр. Миигин эдьиийим Бурнашева Мария Алек-
сеевна оҕолоон улаатыннарбыта.
Сэрии кэнниттэн да, олох кыра сааспыттан наар үлэлээн тах-
сар этибит. Мин сайын аайы окко оҕус сиэтэн, улахан дьону
кытта тэҥҥэ үлэлиирим. Үөрэх буолуута биирдэ бүтэр этибит.
Үлэбит төлөбүрүн өйдөөбөппүт, арааһа, күһүн дьоммутугар до-
хуот диэн арыынан эҥин биэрэллэрэ быһыылаах.
Мүрү оскуолатын бүтэрэн, армияҕа сулууспалаан кэлэн баран
сельпоҕа оробуочайдаабытым. 50-тан тахса сыл райпоҕа үлэлээбитим, үлэ бэтэрээнэ
буолабын.
Мүрү нэһилиэгин Бочуоттаах олохтооҕобун. Дуобакка спорт маастарын кандидата-
бын, спорт бэтэрээнэбин. Үс оҕолоохпун, 5 сиэннээхпин, 2 хос сиэннээхпин.

0
1 о