Page 22 - Сэрии кэмин оҕолоро 2 кинигэ

МҮРҮ нэһилиэгэ

ны быһа ойбон алларан куйуурдаан мунду сыыһа таһааран өллүүрэ, онтубут да сороҕор
кураанах тахсара.
Күһүөрү бурдук астааһына буолара, онно биирдэ өлө сыспытым. Молотилкаҕа баа-
йыылаах түүгү эриттэрэ туран, ырбаахым тэллэҕиттэн эрийэн ылбыта, хата, эргэ тэрэ-
пиискэ буолан, тырыта баран орпутум.
Үлэһит, сэниэлээх киһи диэн суох, күһүн оҕону, дьахтары мунньан биир эмэ оҕон-
ньор дьоҕойон муҥхалыыра да, балык да киһи үөрэр гына кэлбэт этэ. Биир күһүн ити
курдук муҥхаҕа сылдьыбытым. Тугу көмөлөһөрүм эбитэ буолла?
Сэрии кэннэ мин 10 саастаах быһыылааҕым, ийэм биир сулумах киһиэхэ кэргэн
тахсан, тыын ылбыппыт. Булчут этэ. Куобахтаан аһатан абыраабыта. Ол оҕонньорутган
3 уолтаммыта. 1-рэ игирэ этилэр. Кыра эрдэхтэринэ өлбүттэрэ.
Ити 1947—1948 сыллар быһыылааҕа. Манна оройуоҥҥа батык заготовката диэн баа-
ра. Онно биһиги аҕабытын батыкка Өнөргө ыыппыттара, 1,5 сыл буолбуппут быһыы-
лааҕа. Өнөргө Хаспыт диэн сиргэ уонна Өнөр эбэтигэр бултууллара. Миигин түүнүн
оҕуһунан балыктарын бэттэх эбэҕэ Чубучааны диэн сиргэ тастарар этилэр. Онно уһаак-
ка буһаран тугу эрэ оҥорор этилэр. Сордоҥ, хаахынай уо.д.а. Мин оҕуспун миинэн
түүн киирэрим, онно сыыр үрдүнэн дьон уҥуохтарын аттынан суолтаах этибит. Наһаа
да куттанар этим. Урукку оҕо наар абааһыттан куттанар дьон буоллахпыт дии. Ити
кэнниттэн дойдубутугар Бээрийэҕэ төннөн көһөн кэлбиппит.
Сэрии сыллара ити курдук ыар тыыннаах ааспыттара.
Кэлин ийэм 3 оҕоломмута, онон бииргэ төрөөбут 4-пүт. Кинилэри көрөн-харайан,
үөрэттэрэн киһи оҥортообутум. 1 уол ыарыһах соҕус буолан, 10-һу эрэ бүтэрбитэ,
тутуута үлэлээн биэнсийэлээх. 3 оҕолоох, 2-с уол тутуу инженерин үөрэҕин бүтэрэн
куоракка үлэлиир. Балтым Москваҕа технолог үөрэҕин бүтэрбитэ, бары ыалзар, пен-
сионердар.
Бэйэм төрөппүт 3 оҕолоохпун, үлэһитгэр, оҕолордоох быр-бааччы ыаллар.
Ити үлэбэр да бэрт ыарахатгары элбэхтик көрсүбүтүм. Сырыы-айан, оччотооҕу саа-
хар, бурдук 70 кг буолара, ону суоппары кытта бэйэбит куруустаан сыһан-соһон үлэ
бөҕө. Күһүн суол былдьаһыгар өрүскэ паромҥа 2 хонон турабын. Айаҥҥа араас буо-
лара элбэх. Ыраах куораттарга табаар атыылаһа, дуогабардаһа «Холбос» товароведта-
рын кытта элбэхтик сылдьыбытым. Биһиги, оройуон киин маҕаһыына буолан, кэлбит
табаары сельпо маҕаһыыннарыгар түҥэтэр этибит.
Ити курдук ВДНХ-ҕа атыы дьаарбаҥкатыгар сылдьан ас-таҥас атыылаһар дуогабар-
дары оҥорсор этим. Чэ, сылдьыбыт сирим элбэх. Ол курдук Москва, Новосибирскай,
Улан Удэ, Иваново, Владивосток куоракка үөрэммитим.
Норуот баайын кичэйэн-хачайан тутан, буруйга-сэмэҕэ түбэспэтэҕим, 1 солкуобай
итэҕэстээбэтэҕим. Барытын этэҥҥэ түмүктээн 1998 сылтан сынньалаҥҥа олоробун.
Наҕараадалара: «Сэбиэскэй потребкооперация туйгуна» (1972), «Потребкооперация-
ҕа 30 сыл эҥкилэ суох үлэ», «IX пятилетка ударнига», «X пятилетка ударнига» бэлиэлэр,
«Сэбиэскэй Сойуус маршала Жуков» (1997), «1941 — 1945 сс. Аҕа дойду Улуу сэриитигэр
кыайыы 60 сыла», «Кыайыы 60 сыла» (2005), «Кыайыы 65 сыла», «1941 — 1945 сс. Аҕа
дойду Улуу сэриитигэр кыайыы 65 сыла» (2010) мэтээллэр, ССРС потребкооперация-
тын VI съеһин делегата, Мүрү нэһилиэгин Бочуоттаах олохтооҕо, «Холбос» Бочуоттаах
кинигэтигэр киирбитэ.

Винокуров Алексей Петрович

Мин сэрии саҕаланыыта 13 саастаах 4-с кылааска үөрэнэр оҕо этим. Төрөппүттэрим
эрдэ өлөн, убайдарбар, аймахтарбар эҥээрдэһэн иитиллибитим. Уоттаах сэрии, сут, ку-
раан сыллар эбиискэлэһэн оччолорго, бэл, ийэлээх, аҕалаах оҕолор, билигин кырдьан
олорон, ыарахан олох этэ дииллэр. Миэхэ, тулаайах, аһа-таҥаһа суох киһиэхэ, икки

18