Page 18 - Сэрии кэмин оҕолоро 2 кинигэ

МҮРҮ нэһилиэгэ

Бурнашева Октябрина Гаврильевна

Мин 1944 сыллаахха сэтинньи 13 күнүгэр Лөгөй нэһилиэ-
гэр Томторго төрөөбүтүм. Ийэм Заболоцкая Мария Васильевна
Тандаттан төрүттээх. Аҕам Бурнашев Гаврил Иванович Лөгөй
нэһилиэгиттэн төрүттээх. Сэрии ыар кэмнэригэр төрөөбүт буо-
ламмын, сүрдээх ыарыһах этим: наар балыыһаҕа, тубсанато-
рийга эмтэнэрим, оччолорго наһаа элбэх оҕо санаторийга эмтэ-
нэллэрэ. Оҕо сааһым Томторго ааспыта, дьонум сэрии туһунан
кэпсииллэрин истэр этим, ас-таҥас тиийбэтэ, биир дьиэҕэ хас
эмэ ыал дьукаах олорор этибит. Бары эйэлээх баҕайытык оло-
рорбут. Кырдьык, оонньооботох оҕо сааспын улаханнык өй-
дөөбөппүн, наар иһит сууйан, оһох оттон дьоммор көмөлөһөр-
бүн өйдүүбүн.
Наар балыыһаҕа эмтэнэр буоламмын, оскуолаҕа хойутаан киирбитим. Кэнники киэ-
һээҥҥи оскуолаҕа үөрэнэн 8 кылааһы бүтэрбитим.
1967—1968 сс. сиэстэрэ куурса аһыллан, онно үөрэммитим. 50 сыл сиэстэрэлээн,
рентген-лаборанынан үлэлээн 2015 сьштан биэнсийэҕэ олоробун. СӨ доруобуйаҕа ха-
рыстабылын туйгунабын, үлэ бэтэрээнэбин. Үс оҕолоохпут, бары үлэһиттэр, 5 сиэн-
нээхпит. Үөрэхтэрин бүтэрэн баран үлэлии сылдьаллар, икки хос сиэннээхпит.

Бурнашева Розалия Васильевна

Розалия Васильевна 1935 сыллаахха алтынньы 30 күнүгэр
Нам оройуонун Хомустааҕар төрөөбүтэ. Покровскайтан кийиит
буолан, Уус Алдан оройуонугар олохсуйан, 4 оҕону төрөтөн, 7
сиэн, 7 хос сиэн тапталлаах эбэтэ. Райпо систиэмэтигэр 20-тэн
тахса сыл үлэлээбитэ. Ол иһигэр 15 сыл биэкэрдээн нэһилиэн-
ньэни килиэбинэн хааччыйыыга үтүө суобастаахтык үлэлээн,
элбэх махтал суруктарынан, грамоталарынан наҕараадаламмыта.
Үлэ, тыыл бэтэрээнэ. 2020 сылга алтынньы 30 күнүгэр 85 саа-
һын томточчу туолбута.

Бурцева Мария Тимофеевна

Мин 1944 сыллаахха сэтинньи 17 күнүгэр «Чагдаайы» хол-
куос Илин Хочо диэн кытыы учаастагар холкуостаах дьиэ кэр-
гэҥҥэ күн сирин көрбүтүм.
Аҕам Тимофей Иванович Гуляев, холкуос кадровай булчута,
ийэм Анастасия Харитоновна, субай сүөһү көрөөччү, кэлин ас-
чыт этилэр. Сайынын аҕабытын көрбөт да этибит: ыһыы үлэ-
тэ, от үлэтэ, сиэмэ хомуура, кыһынын булт. Ийэбит да бастаан
ыһыыга, окко сылдьар этэ, кэлин сүөһүгэ көспүтэ. Сэрии бүп-
пүтүн да кэннэ ас, таҥас кырыымчык этэ. Биһиги аҕабыт бул-
чут буолан кэм аччыктыыры билбэтэхпит. Эҥээрдэһэн олорбут
дьонун кытта тэҥҥэ үллэстэн, биир дьиэ кэргэн курдук аһаан-
сиэн махтаналлар этэ.

14